Espainiak Alemaniako migratzaileak hartzea adostu du Pedro Sanchezek Merkelekin
Europar Batasunean Espainiatik sartu arren, gaur egun Alemanian dauden migratzaileak Espainiak hartzea adostu dute Pedro Sanchez Espainiako Gobernuko presidenteak eta Angela Merkel Alemaniako kantzilerrak. Trukean, pertsona horiek Espainiara eramateko gastuak ordainduko dituela hitzeman du Alemaniak, Espainiari, EBeko kanpoko muga gisa, laguntza finantzarioa eta materiala emateaz gain.
Hala aurreratu du Sanchezek Europar Kontseiluaren goi-bileraren balantzea egiteko eskainitako prentsaurrekoan. Bigarren bilera-eguna hasi aurretik, Espainiako Exekutiboko buruzagiak bilera egin du Merkelekin eta Alexis Tsipras Greziako lehen ministroarekin. Batzar horretan lortu dute akordioa.
Bavaria eta Austria arteko mugatik iritsitako asilo eskatzaileak direla zehaztu du Alemaniako Gobernuak. Han, Alemaniako agintariek ezarritako kontrolen bidez identifikatu dituzte, eta aurretik Espainian asiloa eskatu zutela baieztatu.
Sanchezek "pozik" dagoela esan du Merkelekin hitzartutako akordioarekin. "Bidezkoa" ez ezik, "ardura eta elkartasun printzipioekin koherentea" dela berretsi du.
Baliabide ekonomikoak Espainiari, Marokori eta Libiari
Merkelek bileraren ostean egindako agerraldian, Greziarekin akordio berbera lortu duela jakinarazi du. Halaber, Mediterraneo mendebaldeko ibilbidetik Espainiara migratzaile gehiago iristen ari direla onartu du. Hori dela eta, Libiari laguntzeaz gain, Marokori eta Espainiari ere inmigrazio arloko kudeaketan baliabide ekonomikoak eman behar zaizkiela azpimarratu du Alemaniako kantzilerrak.
Aldi berean, Espainiako presidentea pozik agertu da EBeko hogeita zortzi herrialdeek inmigrazioaren inguruan lortutako akordioarekin. Horren arabera, migratzaile zentroak sortuko dituzte Europar Batasunean "borondatezko oinarri batean". Horien helburua Europako itsasoetako erreskate operazioetatik datozen pertsonak hartzea izango da, ondoren "borondatez" hala adosten duten herrialdeetara eramateko.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.