2018ko sanferminak 'bikainak' izan direla esan du Joseba Asironek
2018ko sanferminak agurtzeko ordu batzuk baino geratzen direla, "bikaintzat" jo ditu Joseba Asiron Iruñeko alkateak, horren esanetan, batetik kalean giro paregabea izan delako eta bestetik, ez delako gertaera larririk jazo.
Asiron eta Udalbatza osoa, Aranzadi eta I-E salbu, San Lorentzoko elizan izan dira, San Ferminen Zortziurrenaren harira, eta han dantzariak, erraldoiak, buruhandiak, eta La Pamplonesa izan dituzte lagun. Elizkizun horrek sanferminetako jaia amaitzera doala markatzen du.
Asironek behin-behineko balantzea egin du eta, azpimarratu duenez, "sanferminetako jai bikainak izan dira, kalean giro lasaia izan dugu, oso sanfermineroa, edozein herritan izan daitezkeen gauza txikiekin".
Sanferminetako entzierroei dagokienez, Asironek esan du, zauritu kopuruari eta larritasunari erreparatuta, "aurreko urteekin alderatuta, oso datu onak izan dira".
Gau-giroari buruz Iruñeko alkateak azaldu du ez direla jazoera larriengatik salaketarik izan, baina bai "ohiko sexu-ukituengatik", hori dela eta, gaineratu du Udala pozik izango dela "salaketa bat ere ez dagoenean".
Jende-kopuruari dagokionez, ordea, Asironek adierazi du "oso ona" izan dela, hotelak "% 100ean beteta" egon direla, batez ere hasieran asteburu bat eta amaieran beste asteburu bat izan dutelako. Aste barruko egunetan, berriz, bisitari-kopuruak behera egin du. "Ostalariek esan dutenez, eguneko giroak gora egin du, eta horrek asko pozten gaitu", amaitu du.
Zure interesekoa izan daiteke
Miguel Angel Montes, Iruña Okako alkatea: "Ez da kalte pertsonalik ezta materialik izan, dena kontrolpean dago"
Gauerdia pasata, Iruña Okan epizentroa duen 4 graduko lurrikara batek Araba astindu du. Miguel Angel Montes alkateak berak adierazi duenez, ez da inolako kalterik izan herrian. Gainera, alkateak lasaitasuna helarazi du, Eusko Jaurlaritzako eta Arabako Foru Aldundiko adituen txostenak eta ondorioak jasotzeko zain.
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Azken 15 urteetako hildako kopururik handiena utzi du urteak Nafarroan, eta oraindik ez da amaitu. Jada 45 dira aurtengo hildakoak.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.
4 graduko lurrikara batek Araba astindu du, kalterik eta zauriturik eragin gabe
00:10ean izan da lurrikara eta epizentroa Iruña Okan izan du; milaka pertsona esnatu ditu gaur goizaldean Araban. Ez du kalterik eragin eta ez da erreplikarik espero, SOS Deiaken arabera.
Biriatuko ordainlekua itxita egongo da asteartetik asteazkenerako gauean, A-63 errepideko obrak direla eta
Abenduaren 9an itxiko dute, 21:00etan, eta 10ean irekiko dute berriro, 06:00etan. AP-8tik Lapurdirako noranzkoan doazen ibilgailu eta kamioiak Irunen atera beharko dira.
Gizon bat larri zauritu da Iruñeko Aranzadiko komentu abandonatuan, eskailerako zulotik erorita
Iruñeko Udaltzaingoak ingurua hesitu du eta erorikoaren arrazoiak ikertzen ari da.