Fiskaltzak bost urteko kartzela-zigorra eskatu du Juana Rivasentzat
Fiskaltzak bost urteko kartzela-zigorra eskatu Juana Rivasentzat, bi adingabe –bere seme-alabak- lapurtzea egotzita. Gainera, desobedientzia delitu ere egotzi dio. Hilbaete egin zuen ihesean, seme-alabak tratu txarrak ematen zizkion aitaren esku ez uzteko.
Gaur egin dute epaiketa Granadako epaitegi batean. Rivasek berretsi egin du indarkeria matxistaren biktima dela eta errugabea dela, baina Fiskaltzak haren kontrako bost urteko espetxe-zigor eskera berretsi du.
Epaiketa joan den ekainean izan zen egitekoa, baina Juan de Dios Ramirez defentsako abokatuak kasu utzi zuen eta saioa gaur egin dute. Jose Estanislao Lopez abokatuaren laguntza izan du Rivasek.
Epaiketan gertakariak gogoratu dituzte. 2016ko maiatzean, Juan Rivasek bi seme-alaba ditu Francesco Arcuri italiarrarekin izan zuen harremanaren ondorioz. 2016ko maiatzean, bi adingabeekin Italiatik Granadara itzuli zen eta abuztuan bikotekide ohiari jakinarazi zion ez zela Italiara itzultzeko.
Arcuriren "torturapean" bizi nahi ez zuelako bueltatu zen Granadara. 2016an bikotekide ohiaren kontrako salaketa jarri zuen, tratatu txarrak emateagatik. Oraindik auzia argitu gabe dago. Baina 2009an, gizonezkoa zigortu egin zuten, emakumea jotzea eta lesioak eragitea egotzita.
Fiskaltzak bost urteko kartzela-zigorra eskatu du Juana Rivasentzat, bi adingabe lapurtzea leporatuta eta 33 ihesean egoteagatik, seme-alabak aitaren esku ez uzteko, hala egiteko ebazpena bat izan arren.
"Ama naiz eta tratu txarrengatik ihesean ibili naiz, ezin nituen nire seme-alabak bere esku utzi", adierazi du epaiketan. Indarkeria matxistaren biktima dela eta bere seme-alabak babesteko egin zuela berretsi du.
Azkeneko hitza bere seme-alabak buelta diezazkiotela eskatzeko baliatu du. Errugabe joko dutenaren itxaropenari eusten diola eta borrokan jarraituko duela azpimarratu du.
Epaiketa 09:30ean hasi da. Juana Rivas bere abokatuarekin, Jose Estanislao Lopezekin, eta senitartekoekin batera heldu da. Epaitegiaren aurrean ehun bat lagun bildu dira, babesa emateko.
Francesco Arcuri senar ohia akusazio partikularra da, eta Italiatik deklaratu du bideokonferentziaz.
Tratu txarrak
Juana Rivasek beti esan du senar ohiak ematen zizkion tratu txarrengatik joan zela Carloforten (Italia) bikoteak zeukan etxetik, eta arrazoi beragatik, beldurragatik, ia hilabete egon zela toki ezezagun batean gordeta. Tarte horretan milaka lagunen babesa jaso zuen, "Juana nire etxean dago" lelodun kanpainarekin.
Arcuri 2009an zigortu zuten lesioak eragiteagatik. 2016an haren kontrako beste salaketa bat jarri zuen Juana Rivasek Espainian. Granadako epaitegi batek, ordea, gertakariak Italian jazo zirela eta, auzia Italian epaitu beharrekoa zela ebatzi zuen. Salaketa 14 hilabete geroago heldu zen Italiako Justiziaren eskuetara, "irregulartasun askoren" ondoren.
Granadako 2 zenbakiko Instrukzio Epaitegiak Rivasen senitartekoak, abokatua eta Maracenako udal psikologoa ere ikertu zituen, adingabeak osteko prozesuan izan zuten parte hartzeagatik. Guztiak absolbitu zituzten, Rivas bera kenduta.
________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetako kontzertuak bertan behera hiru egunetan: abuztuaren 5ean Gasteizen, 14an Donostian eta 26an Bilbon
Kontzertuak bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.