Laudioko 25 urteko mendizale bat hil da Monte Perdidon

Laudioko 25 urteko mendizale bat hil da larunbat arratsalde honetan Monte Perdido mendian, Huescako Pirinioetan. Hildakoa Jon Urkijo Laburu da. Argitu gabeko arrazoiengatik, tontorretik jaisten ari zela gertatu da ezbeharra.

Albistea ezagutu bezain laster, familia bertara joan da. Ez dute zabaldu istripuaren unean gaztea bakarrik ala lagunekin zegoen.

Monte Perdido Pirinioetako hirugarren mendirik altuena da (3.300 metrotik gora ditu). Uda honetan ohikoa baino elur gehiago dauka, beraz ondo ekipatuta joatea beharrezkoa da. Guardia Zibilak ikerketa zabaldu du, istripua nola gertatu den argitzeko.

Datorren asteartean edo asteazkenean helduko da hilotza Laudiora.