NASAk Parker sonda jaurtitzea lortu du, Eguzkia 'ukitzeko' asmoz
Eguzkiaren koroan zehar ibiliko den lehen ontzia, Parker eguzki sonda, jaurti dute gaur Cabo Cañaveraleko basetik, aireratzea bertan behera utzi eta handik 24 ordutara.
Eguzkiak ezkutatzen dituen misterioak argitzea da gaur abiatutako misioaren helburua, eta azaroan iristea aurreikusi dute.
United Launch Alliance konpainiako Delta IV Heavy suziria, goizaldeko 03:31n atera da (07:31 GMT) NASAk Cabo Cañaveralen duen aire basetik, sonda barnean zuela.
Jaurti eta minutu gutxira, suziriak hiru propultsoreak askatu ditu, aurreikusita zegoen moduan.
Eguraldiaren iragarpena aldekoa zen (% 95ean), eta atzerapena eragin zuten arazoak konpondu ostean, NASAk gaurko programatu zuen misio “historiko” hori.
Eguzkitik hurbilagora iritsita informazioa bildu nahi du sondak. Orain arte ez dute inoiz egin.
Hala, Eguzkiaren atmosferaren eta azaleraren tenperaturen artean dagoen desberdintasunaren arrazoia argitu nahi dute adituek. Atmosferak milioi bat gradu baino gehiago ditu; azalerak, berriz, 6.000 gradu.
Urtetako ikerketa
Hainbat urte ikertzen aritu ostean, sondak halako tenperatura beroei nola aurre egiteko modua lortu zuten, "han bertan" ikertu ahal izateko. Lurrean baino 500 aldiz bero gehiago dago han.
1.400 graduko tenperaturak jasango dituen babes termiko bat da, eta ontziaren barruko tresnak 30 gradutan mantenduko ditu.
Sonda txikia da (65 kilo eta 3 metro luze). Eguzkitik 6 milioi kilometrora iritsiko da.
Gainera, orduko 700.000 kilometroko abiadura hartuko du sondak, orain arte lortutako abiadurarik azkarrrena.
Abiadura horrekin, New York eta Tokio arteko bidea minutu batean egingo litzateke. Hortaz, sonda azaroan iritsiko da Eguzkira.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.