Telemadrideko kamerariak Ciudadanosen protestan jasan zuen erasoa salatu du
Asteazken honetan Ciudadanosen protestan erasoa jasan zuen Telemadrideko kamerariak salaketa jarri du Esquadra Mossoen aurrean. Elkarretaratzea lazo horiak kentzen dituzten pertsonen aurkako erasoengatik deitu zuen alderdiak.
Esquadra Mossoek goizean jakitera eman dutenez, kamerariak gaur aurkeztu du salaketa. Gertaerak asteazken arratsaldean izan ziren, Bartzelonako Ciutadella parkean protesta egiteko elkartu zen talde batek TV3ko operadore batekin nahastu zuenean.
Ciudadanosek deitu zuen protesta, baino PPko hainbat buruzagi ere bertaratu ziren. "Bizikidetzaren alde, eta indarkeriaren kontra" lelopean egin zuten, eta asteburuan Ciutadellan emakume batek jasan zuen erasoagatik protesta egiteko antolatu zuten; emakumea lazo horiak kentzen ari zen senarrarekin eta seme-alabekin batera.
Telemadrideko kamerariak atzo azaldu zuenez, erasoa emakume bati grabatzen uzteko eta hankan jotzeari uzteko eskatu ostean hasi zen; izan ere, irudi hori bat zuen kamiseta zeramala ikusita, TV3 katearentzat lan egiten zuela uste zuen.
Zalaparta izan zen orduan bertan zeuden pertsona batzuen artean, eta oihuka eta bultzaka hasi zitzaizkion. Bi gizonek atzetik kolpatu zuten, gainera, aurpegian.
Sare sozialetan zabaldu diren irudietan, kamerariak errieta egiten ari zaion pertsona bati muturreko bat nola ematen dion ere ikusten da.
Ciudadanosek Telemadrideko kamerariak jasandako erasoa gaitzetsi zuen atzo, eta protestan muturreko "infiltratuak" izan zirela esan zuen.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.