Etxenikeren bizitzaren inguruko dokumental batek Naukas abiatuko du aste honetan
Bilbok zientzia jariatuko du aste honetan Naukas zientzia ekitaldiarekin. 'Naturaren sekretua' dokumentala estreinatuko dute aurten. Lanak Pedro Miguel Etxenike fisikaria protagonista du. Alicia Sintes fisikariak, Frances Mojica mikrobiologoak eta Juan Carlos Ortega umorista ezagunak parte hartuko dute jaialdian.
Naukas 2018 Bilbon aurkeztu dute gaur. Ekitaldian Etxenikek berak eta Maia Garcia-Vergniory DIPCko ikertzaileak parte hartu dute. García-Vergnioryk hitzaldia emango du aurtengo ekitaldian.
'Naturaren sekretua' dokumentalaren estreinakoak markatuko du jaialdiaren hasiera. Etxenike Donostia International Physics Center Fundazioaren (DIPC) presidentea eta EHUko Materia Kondentsatuaren Fisika katedraduna da. 80 minutuko filmak fisikariaren bizitzari eta lanari errepasoa egiten die.
Naukasen apustua goraipatu du Etxenikek, “zientzia modu errazean, baina zehatzean azaltzen duelako; komunikatzaileek egiten dute, baina baita zientziaren abangoardian dagoen jendea ere”. Fisikariaren hitzetan, funtsezkoa da; izan ere, “XXI. mendeko kultura zientifiko-teknologikoa izango da”.
Bestalde, Naukasen lana azpimarratu du Garcia-Vergnioryk, “zientzia gizarteari eramaten diolako; zientzialariek gizartearen babesa behar dugu, ikertzen jarraitu ahal izateko”.
Naukas 2018k 2017ko eskema bera errepikatuko du. Horrela, ostiraleko eta larunbateko hitzaldiei Naukas PRO gehituko zaie ostegun arratsaldean. Ikerketa zentroek, laborategiek, zientzialariek eta lantaldeek 20 minutu izango dituzte, euren lana azaltzeko. Etxeko txikienek Naukas Kids izango dute igande goizean.
Ostiral eta larunbateko hitzaldi orokorren baitan, horietako bakoitza 10 minutukoa, besteak beste, Jesus A. Gomezen ‘Zientziaterapia, ospitaleratutako umeentzako zientzia dibertigarria’ edo Daniel Marinen ‘Lasterketa espazialaren 5 mito’ txanda izango da. Era berean, Juan Carlos Ortega aurkezle eta umoristak NASAren inguruan hitz egingo du.
Gainera, bi zientzialari aipagarriri elkarrizketak egingo dizkiete: Alicia Sintes Espainiako fisikariari, grabitazio uhinen espezialistari, eta Frances Mojica mikrobiologoari.
Jarduera guztiak doakoak eta sarrera librea izango da. Honenbestez, izena ematea ez da beharrezkoa, bertara hurbiltzea soilik.
Zure interesekoa izan daiteke
50 pertsona zauritu dira Noaingo txupinazoan hainbat suziri lehertuta
Hiru erietxera eraman dituzte erredurekin eta horietako biri alta eman diete arratsaldean. Beste 47 lagun lekuan bertan artatu dituzte. Nafarroako udalerri horretako jaiek aurrera jarraitzen dute.
Animalia basatiak erabiltzen dituen zirku batek polemika piztu du Urruñako herritarren artean
Zirkua abuztuaren 16an jarri zen Udalaren baimenik gabe, eta larunbat honetara arte ikuskizunak eskainiko ditu arratsaldero.
EITB, Prix Europa sari ospetsuetan izendatua eguzki eklipse osoaren inguruko plataforma anitzeko proiektuagatik
EITBren Eguzki Eklipse Osoa ekimena Digital Media kategorian lehiatuko da, Europako ikus-entzunezko sari ospetsuenetako batean.
Tentsio uneak Bilboko Pergolan, greban dauden teknikarien eta bilbainadetako ikusleen artean
Greban zeuden teknikarien piketeak Bilboko Pergolaraino hurbildu dira, grebarako eskubidea aldarrikatzeko, eta horrek ikusleak haserretu ditu, ez baitiete abestiak entzuten utzi. Tentsio uneak izan dira grebalarien eta ikusle zeuden hainbat pertsonaren artean.
Deskargako autobidea itxita egongo da asteazken honetan, 21:00etatik aurrera
AP-636 errepideko tunel batean egin beharreko lanak direla eta, 19. eta 21. irteerak erabili beharko dituzte erabiltzaileek, martxaren noranzkoaren arabera, Bergara GI-627 errepidearen bidez zeharkatzeko.
Lurrak gorriz tindatuko du Ilargia ostiral honetako eklipse partzialean
Une gorena abuztuaren 28ko 06:12:53an izango da, Lurraren itzalak ilargi-diskoaren % 93 estaliko duenean.
Bizkaibus batek su hartu du, goizaldean, Santurtziko kale erdian
Sua Bizkaiko herriko Las Viñas kalean piztu da, matxura batek eraginda, eta ke handia sortu du. Ez da inor zauritu.
14 lagun atxilotu dituzte, bi ukituengatik, eta bi udaltzain zauritu, Bilboko Aste Nagusiaren laugarren egunean
Udaltzaingoak 10 atxiloketa egin zituen jai-esparruan eta lau eremu horretatik kanpo. Guztira, 64 salaketa aurkeztu dira, horietatik 50 ebasketengatik izan dira. Bi agente zauritu dira, eta batek zerbitzua utzi behar izan du.
CCOO: "Estatuko Administrazio Orokorrari Euskadiko herritarrei euskaraz hitz egiteko eskatu dion lehen sindikatua gara"
Santi Martinez Euskadiko CCOOren idazkari nagusiak Radio Euskadin adierazi duenez, sindikatuak Enplegu Publikoaren Legearen eztabaidara eraman ditu euskara sustatzeko hainbat neurri, langabeen % 90ek hizkuntza hori ezagutzen ez dutela egiaztatu baita. Eskaera horien artean daude, besteak beste, Estatuko Administrazio Orokorra Euskadiko herritarrei euskaraz zuzentzea eta euskara ikasteko doakotasuna C1 mailara arte izatea.
ETSk milaka zale kantuan eta dantzan jarri ditu Bilboko Europa parkean
Iñigo Etxezarretaren bandak milaka lagun bildu ditu Bilboko Europa parkean astearte honetan, Aste Nagusian. Bere abesti ezagunez gain, taldea Bilboko jaien kanta abestera animatu da, eta han zaleak zapiekin dantzatzen hasi dira. Hasiera batean, kontzertua asteazken honetan egin behar zen, baina taldeak kontzertua egun bat aurreratzea erabaki zuen, ikuskizunetako teknikariek asteazken honetarako deitutako grebaren ondorioz.