EHU, euskal dantza tradizionalari buruzko titulua eskaintzen duen lehena
"AEBko eta Europako beste unibertsitate batzuen antzera, herri kulturaren adierazpide jatorrari eskainitako graduondoa" eskainiko du aurten Euskal Herriko Unibertsitateak (EHU); zehazki, euskal dantza tradizionalaren inguruan. Halakorik eskaintzen duen lehen unibertsitatea da EHU.
'Euskal dantza: tradiziotik sorkuntzara' izeneko graduondokoa dantzariei, dantza irakasleei eta euskal dantzan trebatuta daudenei zuzenduta dago. Irakasleen artean, izen handiko dantzari eta koreografoak daude: hala nola, Jon Maia Kukai konpainiako zuzendari eta dantzaria, Juan Antonio Urbeltz ikerlari eta Argia taldeko zuzendaria, eta Oier Araolaza antropologo eta dantzaria.
Badira gehiago: Iñaki Irigoien ikerlari eta dantzaria, Patxi Laborda eta Sabin Bikandi AIKO taldeko kideak (Bikandi etnomusikologian doktorea ere bada), Iñaki Goirizelaia Amilotx taldeko zuzendari eta EHUko errektore izandakoa, eta Claude eta Jon Iruretagoyena (Maritzuli dantza konpainia).
Graduondokoak bederatzi hilabeteko iraupena du (urritik ekainera), eta hiruhileko hiru modulutan banatu dute: "Euskal Dantzaren teoria eta historia", "Tradiziotik sorkuntzara, esperientzia eta ekarpen berriak" eta "Musika, dantza eta pedagogia". Ikasleek dantzen ibilbide teorikoa jasoko dute bertan, bertsio tradizionaletik egungo abangoardiako adierazpenetara.
Eskolak astearte eta ostegunetan izango dira, 15:30etik 20:30era, Leioako Campuseko Hezkuntza Fakultatean. Modulu horietako bakoitza (100 ikastordu bakoitzak) modu independentean egin ahal izango da, ikastaro osagarri kalifikazioa du eta 10 kreditu emango ditu. Hori dela eta, diploma osatzeak 30 kreditu emango ditu guztira.
Izena emateko epea zabalik dago EHUren webgunean (900 euro; 300 euro, modulu bakoitza).
Zure interesekoa izan daiteke
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Abian da Osakidetzako EPEaren bigarren eguna, zeladore, erizaintzako laguntzaile eta zerbitzuetako langile izateko probekin
Ostiralean hasi eta igandera bitartean, 9 kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.