Hildako bat eta kalte eta ebakuazio ugari eragin ditu ekaitzak Andaluzian
Andaluzia hegoaldea astintzen ari den ekaitzak hildako bat eta dozenaka pertsona auto eta etxeetan harrapatuta utzi ditu Malagan. Zenbait errepide itxi behar izan dituzte, eta kalte handiak eragin ditu Malaga eta Sevilla probintzietan.
Suhiltzaileek hilik topatu dute lankide bat, Jose Gil Gutierrez (45 urte), erreskate lanetan parte hartzen ari zela, horren kamioia irauli ondoren.
Andaluziako Juntak Malagako Larrialdietako Planaren 2. maila aktibatu du. Larrialdietako Emergentzia Unitateak ere parte hartu du, 85 militar eta 35 ibilgailurekin.
112 larrialdietarako zerbitzuak 500 gertakaritik gora koordinatu ditu, batez ere Malagako probintzian.
Rondan, 30 lagun erreskatatu dituzte ostalaritza-establezimendu batetik, eta Zalditeria Eskolan harrapatutako beste bost pertsona. Campillosen, ehunka pertsona senideen etxeetara eraman behar izan dituzte, horien etxebizitzak urak hartu dituelako, eta 20 lagun garaje baten teilatuan harrapatuta geratu dira.
Udalerri horretan, erreskate eta garbiketa lanetan laguntzeko traktoreak eta batelak uzteko eskatu diete Francisco Guerrero alkateak herritarrei.
Gainera, autobus batean zihoazen 66 pertsonari lagundu behar izan diete, errepidean blokeatuta geratu direlako. Urak eramandako beste 15 ibilgailu ere erreskatatu dituzte.
Sevilla probintzian, zenbait herritar ebakuatu dituzte, Yeguas ibaiaren ur-mailak gora egin ondoren. Hiriburuan zein herrietan, kale-argiak eta adarrak erori dira galtzadara, errepideak eta kaleak urez bete dira, ibilgailuak harrapatuta geratu dira putzuetan, uholdeak izan dira etxebizitzetan eta ibaiek gainezka egin dute.
Malagan eta Sevillan hainbat errepide itxi dituzte.
Andaluziako presidentea, Susana Diaz, Campillos eta Sierra de Yeguas udalerrietan egon da, Espainiako Gobernuak bertan duen ordezkari Alfonso Rodriguezekin eta Elias Bendodo Malagako Diputazioaren presidentearekin batera.
Herritarrei "arreta handia" izateko eskatu die Diazek, eta segurtasun indarren gomendioak kontuan izateko.
Egonkortasuna astelehenetik aurrera
Espainiako Meteorologia Agentziak (Aemet) bere horretan utzi du alerta gorria (muturreko arriskua) Malagan, Sol eta Guadalhorce eskualdeetan. Aurreikuspenak betez gero, ordubetean 30 litro pilatuko dira metro karratuko, eta hamabi orduan, 130.
Cadiz eta Sevilla alerta laranjan daude, eta abisu horia aktibatuta dago Ciudad Realen, Toledon eta Extremaduran.
Aemeten aurreikuspenen arabera, astelehenetik aurrera egoera egonkortu egingo da.
Albiste gehiago gizartea
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Ostiralean Anoetan txirrindulari baten heriotzan inplikatutako autoko gidaria epailearen esku utzi dute
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Arrazismoaren aurkako kontzentrazioa Iruñean, Torre Pachecoko gertakariak gaitzesteko
Nafarroako arrazismoaren aurkako kolektiboek elkarretaratzea egin dute larunbat honetan Iruñeko Udaletxe plazan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte eguerdian UEMAk deituta
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.