Iruñeko sutearen egilea espetxera bidali du epaileak hilketa ahalegina egotzita
Iragan astean, Iruñean, etxebizitza bati ustez su eman zion gizona espetxera bidali du gaur epaileak. Bikotekidea ustezko erasotzailearekin etxean zegoen, eta oso larri zauritu zen. Sute eta hilketa ahalegina leporatu dizkio epaileak gizonari.
Nafarroako Auzitegi Nagusiak eman du erabakiaren berri, sutea gertatu eta astebete geroago. Gertakariak urriaren 16an jaso ziren. Hasiera batean Iruñeko Argibideetako Epaitegiak hartu zuen ikertzeko ardura, baina egun bat geroago inhibitzea erabaki zuen indarkeria matxista zantzuak ikusita.
Sutean sei pertsona zauritu ziren, horietako bi –inputatua eta haren bikotekidea- erredurekin. 50 urteko emakumea larri zauritu zen, eta Zaragozako Miguel Servet ospitalera eraman beha izan zuten.
Emakumeen Aurkako Indarkeriaren Arloko Epaitegiak behin-behineko espetxealdia ezarri dio gizonari, komunikatua eta bermerik gabe. Kale Nagusiko etxebizitzari ustez su eman zion espetxeratuak. Bikotekidearekin bizi zen bertan.
Sutea eta hilketa edo homizidio ahalegina egotzi dizkio epaileak autoan. Helegitea aurkezteko aukera dute aldeek. Atxilotua epailearen esku utzi dute gaur. Deklaratzeari uko egin dio gizonak.
Horrela, lekukoek emandako bertsioa gizonaren testigantzarekin alderatu ezin izatea deitoratu du epaileak, Nafarroako Auzitegi Nagusiaren arabera. Sutea hasi baino lehen, 23:00ak aldera, inputatuaren eta biktimaren arteko eztabaida entzun zuten zenbait lekukok.
Kautelazko neurriak ezartzeko agerraldian, Ministerio Fiskalak behin-behineko espetxea eskatu du, eta akusazio partikularrak eskakizunarekin bat egin du. Defentsako abokatuak, ostera, ikertuaren behin-behineko askatasuna eskatu du.
Ebazpenean, kartzelatzeko lau arrazoi eman ditu epaileak. Aurrenekoan gertakarien larritasuna azpimarratu du, Zigor Kodeak “zigor oso larriak” aurreikusten baititu.
Era berean, indarkeria matxistarekin lotuta, auzipetuaren aurrekariak nabarmendu ditu epaileak. Orain dela gutxi biktimarengandik urruntzeko agindua zuela gogorarazi du. Iragan ekainean amaitu zitzaion.
Bestalde, biktima babesteko beharra dagoela uste du epaileak, une honetan “ahultasun handiko egoera medikoan” dagoelako, eta gainera, “aldez aurretik indarkeria egoerak jasan izan ditu ikertuaren eskutik”.
Azkenik, ihes egiteko arriskua ikusten du epaitegiak, inputatuak familia eta lan errotzerik egiaztatu ez duelako.
-----------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Zure interesekoa izan daiteke
Gaur hasiko da Euskadin 2026-2027 ikasturterako aurrematrikulazio epea
Otsailaren 13ra arte egongo da zabalik aurrematrikula egiteko epea. Derrigorrez egin behar dute bi urteko ikasgeletako ikasleek, baita ikastetxe batera lehen aldiz sartzen direnek edo hizkuntza-eredua aldatu nahi dutenek ere.
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.