Genero indarkeriaren biktimei babesa indartuko zaie abokatua prozesu osoan mantenduta
Eusko Jaurlaritzak doako laguntza juridikoari buruzko dekretua onartu du astearte goiz honetan, zeinen bitartez genero indarkeriako biktimei prozesu osoan zehar ofiziozko abokatu bera izango dutela bermatzen zaien. Era berean, zerbitzu hori eskaintzen duten abokatuei ordaintzeko indarrean dauden zenbatekoak % 2 handituko ditu.
Maria Jesus San Jose Eusko Jaurlaritzako Lan eta Justizia sailburuak azaldu duenez, dekretu horren helburu nagusietako bat da ahalik eta eraginkortasun handiena lortzea doako justizia-sistemaren kudeaketan. San Joseren esanetan, “pertsonen funtsezko eskubide bat da benetako babes judiziala bermatuta izatea, haien baliabide ekonomikoak edozein izanda ere”.
Goizean egindako agerraldian zehaztu duenez, iaz 21.564 pertsonak erabili zuten doako justizia-sistema. Gauzak horrela, kudeaketan efizientziarik handiena lortzeko helburua du Jaurlaritzak.
Lan eta Justizia sailburuaren esanetan, genero indarkeriarekin zerikusia duten kasuetan jardun behar duten ofiziozko abokatuek 4.150 kasuren berri izan zuten iaz; hau da, arlo horretan doako laguntza juridikoa eskatu duten pertsonen kopuruak % 10 egin du gora azken urtean. Arrazoi horregatik, indarkeria matxistarekin lotutako kasuetarako modulu espezifikoak sortu dituztela esan du San Josek, eta konplexutasun bereziko kasuetan modulu bereziak jarriko dituzte martxan.
Bestalde, dekretu horretan bilduta dauden artikuluek abokatutzako eta prokuradoretzako profesionalen elkargoen adostasuna lortu dute.
Eusko Jaurlaritzak 14,6 milioi euro bideratu ditu aurten doako laguntza juridikora, eta 2019ko Aurrekontu Proiektuan % 3,4ko igoera aurreikusi du.
Zure interesekoa izan daiteke
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.