'20 urte eta gero, Aitor Zabaletari ez zaiola justizia egin' salatu dute Donostian
Realeko zaleek eta peñek manifestazioa egin dute abenduaren 9 honetan Donostian, Aitor Zabaleta futbolzale 'txuriurdinaren' hilketaren 20. urteurrenaren harira. Adin guztietako ehunka realzle bildu dira manifestazioan, eta "Aitor Zabaleta gogoan", "gurekin zaitugu" eta faxisten kontrako oihuak entzun dira ibilbidean zehar.
Duela 20 urte Ricardo Guerra Atletico Madrileko ultraeskuindarrak labankadaz hil zuen 28 urteko Zabaleta, Madrilen, Vicente Calderon zelaiaren inguruetan. Madrilgo Probintzia-Auzitegiak 17 urteko espetxe-zigorra ezarri zion Guerrari; horrek helegitea aurkeztu zuen, baina 2001an Auzitegi Gorenak zigorra berretsi egin zuen. 2012an, kilo eta erdi haxix kartzelara sartu nahian harrapatu zuten baimen baten ostean. Berez, 2023an beteko luke kartzela-zigorra.
Aitor Bizirik plataformak deitu du gaurko manifestazioa. 16:30ean abiatu dira Boulevardetik Anoeta futbol-zelaira bidean. "Bere memoriak bizirik darrai, herriak memoriaren garra piztuta mantendu duelako. Hori dela eta, aurtengoa berezia izatea nahi dugu", esan dute plataformako ordezkariek hasieran. "'20 urte eta gero, Aitor Zabaletari ez zaiola justizia egin" salatu dute eta "talde batzuk dena libre" dutela ere bai.
Anoetako estadioan, Aitor Zabaleta kirol-indarkeriaren biktimaren izena daraman harmailaren aurrealdean, lore-eskaintza egin dute.
Manifestazioarekin batera, futbito lehiaketa eta herri-bazkaria ere izan dira gaur Donostian.
Futbito partidako partaideak, goizean. Argazkia: Euskadi Irratia
Iker Zabaleta, anaia, elkarrizketatu dute gaur Euskadi Irratian eta hark eskertu egin du urte hauetan guztietan jaso duten jendearen babesa.
Zure interesekoa izan daiteke
Donostiako Klasikoak eragina izango du larunbatean Gipuzkoako trafikoan
Bestalde, Bizkaian, abuztuaren 2an, igandea, Getxoko 81. Txirrindularitza Zirkuitua-Otxoa anaiak Memoriala dela eta, zirkulazioari lotutako hainbat gorabehera izango dira, horien artean debekatuta egongo da lasterketaren noranzkoan zirkulatzea.
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.
Aita Marik Mediterraneoan egiten duen erreskate-lana zailtzen duen "etengabeko presioa" salatu du
Egunotan Malta eta Libia arteko migrazio-ibilbidean erreskate-lanetan ari den Aita Mari ontzia Libiako kostazainek inguratu dute asteazken honetan; ondoren, drone batek gainetik hegan egin zion.
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.