Langile bat hil da Elorrion izandako auto-istripuan
Correos enpresaren 46 urteko langile bat hil da Elorrion auto-istripuan, langilearen motorrak eta autobus batek talka egin ostean, Trafiko Zuzendaritzak eitb.eus-i jakinarazi dionez.
Istripua 14:45ean gertatu da Elizburu kalean, eta Ertzaintza nondik norakoak ikertzen ari da.
Istripuaren tokira bertaratutako osasun zerbitzuek langilearen heriotza konfirmatu dute.
Hildako beharginak behin-behineko kontratua zuen, bi hilabeterako, hain zuzen ere. Enpresan lanean hasi zen aurrenekoz azaroaren 20an, ELAk zehaztu duenez.
Lanpostuan gertatutako heriotza salatu du sindikatu abertzaleak agiri batean, “prekarietateak hiltzen duela agerian geratu delako beste behin ere”. Gainera, 2018ko abuztuan Correoseko beste langile bat Gasteizen hil zela gogorarazi du ELAk.
Hildakoaren senideei, lagunei eta lankideei elkartasuna adierazi die sindikatuak. Lan-baldintzen ondorioz postariak arriskuan direla salatu du ELAK: “banaketa motorrean egiten dutenen kasuan, gainera, trafikoari datxekion arriskua dute”.
Horregatik, lan-istripu arriskua murrizteko politikak eta neurriak eskatu dizkie Correosi eta Espainiako Gobernuari.
Era berean, “erantzukizuna onartzeko” eta prebentzioan zein lan-osasunean “benetan” inbertitzeko eskatu dio LABek Correosi.
Correoseko enpresa-batzordeak elkarretaratzea egingo du ostegun honetan, Bilbon, beharginaren heriotza salatzeko. Protesta 12:00etan hasiko da, Alameda Urkijoko egoitza zentralaren aurrean.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.