Gizonak emakumeari egindako eraso oro indarkeria matxista dela ebatzi du Gorenak
Bikote zein bikote ohien esparruan, emakumearen aurka egindako eraso oro genero indarkeria dela erabaki du Auzitegi Gorenak, nahiz eta biek elkarri eraso egin, eta emakumeak borroka fisikoari hasiera eman.
Txostengilea Vicente Magro Servet magistratua izan da. Nahiz eta bikote ala bikote ohi testuinguru batean elkarri eraso egin, gizonak genero indarkeria delitu bat egingo du, eta emakumeak etxeko indarkeria, epaiaren arabera.
“Erasoa egiaztaturik, gertakaria genero indarkeria da, eta elkarri eraso egin baldin badiote, auzi honetan bezala, biak zigortu behar dira. Genero indarkeriagatik gizona, eta familia-indarkeriagatik emakumea”, azaldu du sententziak.
Horrela, Zaragozako Lurralde-auzitegiaren absoluzioa atzera bota du Gorenak. Era berean, gizonari 6 hilabeteko espetxe-zigorra ezarri dio, baita urruntzeko agindua eta zigor erantsiak ezarri ere. Era berean, emakumeari 3 hileko kartzela-zigorra ezarri dio, baita urruntzeko agindua eta zigor erantsiak ere.
Gorenaren esanetan, bikote harreman afektibo baten barruan gizonak emakumearen aurka egindako erasoak “botere eta nagusitasun ekintzak dira; arrazoia eta asmoa zein den kontuan hartu barik”.
“Bikote edo bikote ohi harreman batean, gizonak emakumearen aurka egindako edozein eraso genero indarkeria da”, adostu du Gorenak.
Boto partikularra
Hala ere, 14 magistratuetatik lauk boto partikularra eman dute epaian. Gizona genero indarkeriagatik zigortzea errefusatu dute lau epaileek boto partikularrean.
Emakumeari eta gizonari familia-indarkeria (153.2) delitua leporatu behar zaiela uste dute, eta gertakarien larritasun eskas ikusita, “153.4 artikuluko zigorrik txikiena aplikatu”.
Miguel Colmenero magistratuak boto partikularra idatzi du, eta Alberto Jorge Barreiro, Juan Ramon Berdugo eta Carmen Lamela epaileek bat egin dute. Lau magistratuen hitzetan, gizonak emakumearen aurka egindako erasoa menperatze edo umiliazio harreman baten markoan gertatu denik frogatzeko osagairik ez dago.
Zure interesekoa izan daiteke
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.