Guraso elkarteei eskola jantokiak kudeatzeko aukera emango die Jaurlaritzak
Hala nahi duten ikastetxeei, eskola jantokiez arduratzeko aukera emango die datorren ikasturtetik aurrera Eusko Jaurlaritzako Hezkuntza Sailak. Horretarako, gaur egun indarrean dagoen araudia aldatuko du Cristina Uriartek zuzentzen duen Sailak.
Kudeaketa zuzena guraso elkarteen esku egongo da, eta prozesu guztiaz arduratu beharko dira: besteak beste, sukaldeko langileen kontratatzeaz, elikagaiak erosteaz eta elikadura eta higiene segurtasuna bermatzeaz.
Ikastetxe bakoitzak bere jantokiaren kudeaketa indibiduala garatu ahal izango du, Guraso Elkartearen bitartez eta Ordezkaritza Organo Gorenaren oniritziarekin (Ordezkaritza Organo Gorena osatzen dute: ikastetxeko zuzendaritzak, irakasleek, irakasle ez diren langileek, udalak, familiek eta Bigarren Hezkuntzako kasuan baita ikasleek ere).
Hezkuntza Sailak diru laguntzak eskainiko ditu, hala nahi duten ikastetxeei kudeaketa zuzena errazteko helburuz.
EHIGE ez dator bat proposatutako ereduarekin
Guraso elkarteak aspalditik ari dira eskola jantokien eredua aldatzeko eskatzen. Hainbat ikerketa egin dituzte, eta egiaztatu dutenez, catering enpresa gehienek industrializatutako eta milaka kilometrora dauden produktuak eskaintzen dituzte.
EHIGE Euskal Herriko guraso elkarteak biltzen dituen erakundeak "Gure platera, gure aukera" proposamena helarazi zion urte hasieran Jaurlaritzari. Honako eskakizunak egiten zituen bertan: "eskoletako sukaldeak errekuperatzea", "enpresa txiki eta ertainei lehiaketan parte hartzeko aukera ematea", edota garaiko eta bertako elikagaiak eskaintzea.
Jaurlaritzak egindako proposamena hizpide, Lourdes Imaz EHIGEren koordinatzaileak Radio Euskadiri esan dionez, ez datoz bat proposamenarekin. Euren ustez, kudeaketa guztia ezin da guraso elkarteen esku geratu: "Ezin gara langileak kontratatzeaz arduratu, hori Saileko langileek egin beharko lukete".
EHIGEk espero du lehen proposamena baino ez izatea, eta "ereduaz hitz egiteko eta negoziatzeko" aukera izatea aurrerantzean.
Zure interesekoa izan daiteke
Iñigo Urkulluk eta Patxi Lopezek Garaikoetxea gogoratu dute zendu ostean
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk beretzat "gertukoa" zela adierazi du Euskadiri buruzko planteamentuetan. Lopezek, berriz, "erreferente" bat dela esan du.
Lekuko batek Maialenen ustezko hiltzailea “noraezean zebilen” pertsona gisa deskribatu du, eta biktimari “familia bere aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. Infekzioa ontzitik kanpo dagoela uste du OMEk.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
Fiskaltzak hiltzaileak 45 urteko espetxe zigorra bete dezala eskatu du, Zigor Kodeak baimentzen duen handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 16 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.