Gatazka konpontzeko, eraikinaren inguruko eztabaidarekin bukatzea eskatu du Asironek
Joseba Asiron Iruñeko alkateak Rozalejoko Markesaren Jauregiaren okupazioan nahasitako guztiei "begiztatik" irteteko eskatu die, "konponbideak daudelako eta ez duelako zentzurik gutxieneko eta beharrezko bizigarritasun baldintzak ez dituen eraikin baten inguruko gatazka bat luzatzea".
Nafarroako Gobernuak urtarrilaren 10ean itxi zuen jauregi horretan zegoen Maravillas gaztetxea, segurtasun arazoak aipatuta. Larunbatean, zenbait gaztek berriz okupatu zuten, itxieraren kontrako manifestazio baten ostean, eta igande goizean Udaltzaingoak berriz zigilatu du atea.
Kazetariei egindako adierazpenetan, Asironek "eragile" guztiei "dei argi eta garbia" egin die. "Begizta batean sartu gara, marmotaren egun batean, eta errepikatuz doaz gertakizunak, inori mesede egin gabe", esan du alkateak. "Hau guztian konponbideak eta aukerak" ikusten ditu, eta horretarako "akordioak lortzeko nahia eta egoerak eskatzen duen neurriko jarrera besterik ez dira behar". Hori Uxue Barkos presidenteari ere helarazi dio Asironek.
Okupei dagokienez, Rozalejo "hutsik eta erabili gabe dagoen eraikin bat" dela onartu du, baina "beharrezko bizigarritasun baldintzak" ez dituela azpimarratu du. Horregatik, beste konponbideak bilatzen egon beharko liratekeela esan du Asironek. Eragileekin "lan egiteko" prest agertu da; bizilagunekin eta Alde Zaharreko beste taldeekin, kasu. Elkarrizketa horiek bihar hasiko ditu, auzokideekin, alde guztiekin akordio bat lortzen saiatzeko.
Alkatearen ustez, okupek ez dute beren proiektua Rozalejoko Jauregira lotzen, "auzoko gazteentzako autokudeaketa proiektu batera" baizik. Horregatik, "aukerak badaude", esaterako, Navarreria kaleko OSCUSen eraikina, gazteei arrakastarik gabe eskainia, edo Redin Cruzat Jauregiarena, "autokudeaketarako baldintza zoragarriak dituena". "Aukerak badaude, lehengaia badago. Orain falta dena borondatea da, erantzukizuna eta egoerak eskatzen duen neurriko jarrera", esan du alkateak.
Mendillorriko Antzara eraikina aipatu du arrakasta duen mota honetako proiektu bezala. Esan duenez, "gazteen auzoko elkarte guztien eta Udalaren beraren onarpena dauka".
"Nire interesa, hiriko alkate gisa, hau konpon dadila da, eta normaltasuna eta elkarbizitza lehenbailehen auzora itzul daitezela", bukatu du Asironek.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.