Salestarren kongregazioak ikerketa kanoniko bat abiatu du irakasle ohi baten aurka
Salestarren kongregazioak ikerketa kanonikoa abiatu du Deustuko ikastetxeko irakasle ohi baten aurka, sexu-abusuak egin ote zituen edo ez argitzeko. Hainbat ikasle ohik ustez irakasle ohi horrek egindako sexu-abusuak sare sozialetan salatu ostean hartu du erabakia kongregazioak.
Atzo, astelehena, El País egunkariak zabaldutako informazioaren arabera, Pablo Ortega apaiza eta irakasle ohia da ikertutakoa. Hedabide horren esanetan, Santanderretik (bertan bizi zen gaur egun) Madrilera lekualdatu, adin txikikoengandik urruntzeko.
Salestarrek ofiziozko ikerketa abiatu dute, ez baitute oraingoz subjektu horren aurkako salaketen berririk.
Deustuko Salestarren ikastetxean egindako sexu-abusuen auzian, dagoeneko 30 dira ikasle ohiek jarritako salaketak eta 4 dira salatutako irakasleak.
Salestarren zuzendaritzak oharra kaleratu zuen 1989ko azken hilabeteetan sexu-abusuengatik bi salaketa jarri zirela jakin zutela aitortzeko, eta salatutako irakaslea zentrotik eta kongregaziotik bota zutela zehazteko. Salatzaileen esanetan, ordea, ustez abusuak egin zituen ikasketa-buru ohiak lanean jarraitu zuen, gutxienez beste urtebetez, Zuzendaritzak lehen kasuen berri izan ondoren.
Albiste gehiago gizartea
Sei pertsona atxilotu dituzte indarkeria matxistagatik Bilboko Aste Nagusiko azken gauean
Horietako hiru jai-esparruan ukituak egiteagatik atxilotu zituzten.
Ezohiko irudia: behiak buelta eman eta kortara itzuli dira Faltzesko azken entzierroan!
2025eko Faltzesko Piloneko azken entzierroak aurtengo edizioko unerik bitxienetako bat utzi digu. Izan ere, Teodoro Vergarako zezenek buelta eman eta kortan berriro sartzea erabaki dute, martxa hasi eta segundo gutxira. Azkenik, entzierroa normaltasunez eta zauriturik gabe burutu da, 2025eko entzierrorik luzeenean: hiru minutu eta 22 segundo.
Hiru pertsona larri zauritu dira Karrantzan, bi autoren arteko istripu batean
Bi autoek aurrez aurre talka egin dute BI-630 errepidean, Ambasaguas inguruan, eta errepidea itxita egon da 22:30etik 03:30era.
Bi atxilotu eta bi zauritu Sestaon bart izandako borrokaldi batean
Hiru Kontzejuen plazaren inguruan izan da liskarra, eta zaurituetako bat Gurutzetako ospitalera eraman behar izan dute.
Dozenaka lagun protestan atera dira Bilboko Martzana kaian, "atsedenerako eskubidea" aldarrikatzeko
Kaltetutako bizilagunak 21:00etan bildu dira kaian. Berriki 100 sinadura baino gehiago eraman dituzte udaletxera, zarata amaitu dadin euren atsedena bermatzeko.
Ehunka lagun batu dira Bilbon giza-kate batean, Aste Nagusian izandako eraso sexistak salatzeko
Larunbat honetan, 19:00etan, Bilboko konpartsetako ordezkariak Udaletxe parean elkartu dira eta giza-kate bat osatu dute, deialdiari erantzun dioten ehunka herritarrekin batera, eraso sexistengatik eta arrazistengatik protesta egiteko eta inolako "erasorik gabeko" jaiak eskatzeko.
Euskal errepideek normaltasuna berreskuratu dute arratsalde nahasi baten ostean
Hainbat arretaguneren berri eman du Trafiko Zuzendaritzak larunbat arratsaldean.
71 urteko eskalatzaile bat erreskatatu dute Bidankozen, onik baina akituta
Gizona esekita geratu da via ferrata bat egiten ari zela.
Gizon bat atxilotu dute Espejon, eskuan matxete bat eramateagatik
Desobedientzia eta agintaritzari aurre egitea leporatu diote, baita arma zuriz mehatxu egitea ere.
Suteen bilakaera ona da, baina oraindik ere foku aktiboak daude Gaztela eta Leonen, Galizian eta Asturiasen
Gaueko tenperaturen jaitsierak sua itzaltzeko lanetan lagundu du, baina egoera zaila da oraindik. Larunbat goizean lortu dute Galizian inoiz izan den suterik latzena egonkortzea, Laroucokoa, Ourensen.