Ehunka herritarren babesa jaso dute salestarren ikastetxeko sexu-abusuen biktimek
Ehunka lagun bildu dira arratsalde honetan Deustun, salestarren ikastetxean sexu gehiegikeriak jasan zituztela salatu duten hogei ikasle ohiei babesa eta elkartasuna adierazteko.
Biktimak, haien senide eta lagunak, zentro horretako ikasle ohiak eta Deustuko bizilagunak elkartu dira San Pedro plazan, 'Egiak ez du preskribatzen, inpunitaterik ez' lelopean. EH Bildu, PSE-EE eta Udalberri taldeetako zinegotziak ere izan dira.
Hamabost minutuko bilkura isila amaituta, biktimek idatzitako adierazpena irakurri dute. Gertakariak 70eko eta 80eko hamarkadetan jazo ziren. Harrezkero "bakarrik, beldurtuta, lotsatuta eta errudun" sentitu direla eta isilik egon izana deitoratu dute.
"Gure senide askok egunotan jakin dute egin zigutena, eta errudun sentitu dira gertatzen ari zenaz jabetu ez zirelako, baina hemen errudunak beste batzuk dira", adierazi dute.
Halaber, salestarren ikastetxeak izan duen jarreragatik triste eta dezepzionatuta agertu dira, "anbiguotasunarekin jokatu dutelako eta horrek min eman digulako".
"Gure familiek konfiantza guztia jarri zuten zuengan. Argitasunez eta irmotasunez hitz egitea merezi dugu: hartuko dituzuen neurriak zeintzuk izango diren esatea eta gertatu dena aitortzea nahi dugu. Bazenekiten zer ari zen gertatzen eta ezkutatu egin zenuten", salatu dute.
Agintariei eta alderdi politikoei ere zuzendu zaizkie, sexu-abusu delituak inoiz ez preskribatzeko legedia aldatu dezatela eskatuz.
Horrez gain, umetan jasandako gehiegikeriak salatuta "lasaitua hartu" dutela adierazi dute, egia jakitea eta gertatu zen aitortzea ezinbestekoa dela azpimarratuta.
Bestalde, Euskal Herriko Elizak auzi honetan zerbait esan beharko lukeela iritzi dio kontzentrazioan parte hartu duen herritar batek.
Salestarren ikastetxeko sexu-abusuen eskandalua Araban, Bizkaian eta Gipuzkoan inoiz ezagutu den kasurik larriena da.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.