EAEko 10 emakumetatik 7k sentitu dute beldurra gauez edo toki ilunetan
Euskal Autonomia Erkidegoko (EAE) emakumeen % 68,3k beldurra sentitu dute noizbait gauez edo toki ilunetatik bakarrik igarotzerakoan, Gizaker enpresak ETB2ko '360º' saioarentzat egindako inkestaren arabera.
EAEko emakumeen % 22,8k intimidazioren bat jasan dute noizbait eta % 29,8k ohiturak aldatu dituzte, beldurragatik, eta % 13k gogoko gauzak egiteari utzi diote eraso fisikoak edo hitzezkoak pairatzearen beldurrez.
Etxera bakarrik ez itzultzeko jarraitzen dituzten estrategiez galdetuta, hiru aipatu dituzte nagusiki: lagunen batekin itzultzea (% 41), taxia hartzea (% 16,7) eta telefonoz hitz egitea (% 9,7).
EAEko emakumeen % 10,3k sexu-eraso edo gehiegikeriaren bat jasan dute noizbait. 'EAEko emakumeen aurkako mikromatxismoak' goiburupean egindako ikerketak dioenez, % 28,3k ukituak jasan dituzte toki publikoetan eta % 3 sexu harremanak izatera behartu dituzte.
Halaber, emakume askok ginekologoarengana joan direnean izan ohi dituzten arazoak ere utzi ditu agerian inkestak. % 6,5ek adierazi dute deseroso sentitu direla ginekologoak izandako jarreragatik edo egin dituen komentarioengatik.
% 3,3k uste dute ginekologoa gehiegikeriaz aritu dela; eta beste horrenbestek esan dute sexu harremanei buruzko iruzkin desegokiak egin dituela.
Inkestatuen % 15 uste dute gutxietsi egiten dituztela edo zertaz ari diren jakingo ez balute bezala tratatzen dituztela emakume izate hutsagatik. Portzentaje horrek nabarmen egiten du gora, % 69,5ra arte, jorratutako gaiak mekanika edota etxeko lan txikiak direnean.
Ia gehienen (% 90) iritziz, emakumeak diskriminazio egoerak pairatzen jarraitzen du lan munduan, bereziki, tradizionalki maskulinotzat jo diren lanpostu horietan. Inkestatuen % 14,4k onartu dute beren nagusi edo lankideren bat bera limurtzen ahalegindu izan dela.
Berdintasunari dagokionez, inkestatuen % 72,3 ados daude azken 10 urtean gizartea aldatu egin dela esaterakoan.
Gizonak emakumeek pairatzen dituzten arrisku edo berdintasun egoera horien kontziente ez direla uste dute % 44k.
Bestalde, % 45k uste dute gizonak ez direla dituzten pribilegioez kontziente.
Seme-alabarik ez duten emakumeen kasuan, erdiek baino gehiagok (% 51,4) azalpenak emateko obligazioa sentitzen dute.
Azkenik, seme-alabarik ez duten emakumeak gaizki ikusiak daudela uste dute hamarretik hiruk (% 30,9).
Fitxa teknikoa
Ikerketa soziologikoa otsailaren 8an egin zuten, eta Araba, Bizkaia eta Gipuzkoan bizi diren 400 emakume elkarrizketatu zituzten telefonoz.
Elkarrizketen % 18,5 euskaraz burutu ziren, eta % 81,5, gaztelaniaz.
Zure interesekoa izan daiteke
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.