'Grande America'ren fuel orbana Lapurdira eta Gipuzkoara ez iristea espero dute
Denboraleak asko laguntzen ez badu ere, bi itsasontzi ari dira une honetan asteartean Arroxela parean hondoratutako 'Grande America' ontzia zaintzen, eta bi ontzi gehiago bidaliko dituzte astelehenean.
Helikopteroek bost kilometroko fuel orban bat ikusi dute zerutik, istripuaren gunean. Ostegunean beste bi orban ere ikusi zituzten, baina ez dakite non dauden. Litekeena zatitu izana da, eta haizearen nahiz ur mugimenduen arabera itsaso barrura sartu edo kostaldera hurbiltzea.
Lapurdiko arrantzale batzuk orban zati horiek biltzeko prestatzen ari dira, "duela 20 urte Erika eta Prestigen kasuetan egin genuen bezala", esan diote ETBri. Dena dela, Frantziako itsas-teknikariek diote ez dela horren kutsakorra izango. Prefekturak uste du hidrokarburo isuri hau ez dela besteen parekoa, eta ez duela horrenbesteko kutsadura sortuko. Hala ere, Akitaniako ekologistek jada iragarri dute salaketa jarriko dutela.
Donostiako arrantzaleen izenean, Jokin Guilisagasti Kofradiako presidenteak ETBri esan dio arrantzaleek uste dutela ur korronteek lagundu egingo dutela orbanak urruntzen. "Klimatologia oso garrantzitsua da, eta haizearen eta korronteen mugimenduei itxaron beharko diegu. Iritsiko balitz, antxoa eta berdelaren errunaldiarekin bat egingo luke, eta agian eragin diezaioke, baina ikusteko dago dena".
Eusko Jaurlaritzako Ingurugiro sailburuordea ere itxaropentsu dago. Elena Morenok esan du aurreikuspenak "onak" direla, baina uneren batean "arriskua" ikusiko balitz, "protokoloa abian jarri eta koordinazio mahaia" deituko litzatekeela ohartarazi du.
Hanburgo eta Casablanca arteko bidea egiten ari zen 'Grande Amarica' Italiako karga itsasontzia Frantziako kostatik 333 kilometrora hondoratu zenean. Asteartean izan zen, igandean piztutako sutea itzaltzea lortu ez zutelako.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.