Eskoletako jantokien inguruko ikerketa batzordea, geldi hauteskundeak pasa arte
Jantoki publikoetako kartelaren inguruko ikerketa batzordeak lana etetea erabaki du astelehen honetan. Horrela, hauteskundeak pasa arte ez da berriz bilduko, ondorio agiriaren inguruko adostasun bat lortzeko saiakeran.
Larraitz Ugarte (EH Bildu) presidenteak egindako behin-behineko txostena, EAJ, PSE eta PPren osoko zuzenketa eta Elkarrekin Podemosen zuzenketak astelehen honetan bozkatu behar zituen Eusko Legebiltzarreko batzordeak.
Hala ere, osoko zuzenketaren sinaduran atzera egin du goizean Alderdi Popularrak. Ugarteren ondorioak leuntzen zituen osoko zuzenketak. PPren ahotan, "Eusko Jaurlaritzaren edozein erantzukizun politiko saihestu nahi dute, diru-kutxa publikoari eta familia askori kalte ekonomiko larria egin dien gai batean".
Maniobra horrekin ez zen agiririk onartu behar, eta ondorioz, hilabeteetan entzundako agerraldiak eta informazioa laburbilduko zituen testu barik itxi behar zuten ikerketa batzordea.
Hori gertatzeko arriskua ikusita, maiatzaren 26ko hauteskundeen ostean berriz biltzea proposatu du batzordeko presidenteak; ondorioz, hitzordua maiatzaren bukaeran edo ekaineko lehen astean izango da.
Ordu erdiko bilera amaitu ondotik, mahai gainean dauden testuek "antzekotasun ugari" dituztela azaldu die Ugartek kazetariei. Zentzu horretan, alderdiak "ez daude antipodetan", erantsi duenez. Horregatik, akordioa adosteko auken inguruan "baikor" agertu da batzordeko presidentea.
"Seriotasun eta sinesgarritasun falta eta PPren estrategia", salatu ditu EAJk. Jeltzaleen hitzetan, Alderdi Popularraren Euskadiko zuzendaritzak Borja Semper eta Juana Bengoetxea, zuzenketa sinatu zuten bi legebiltzarkideak, "ezeztatu" ditu. "Bulkadako irizpide politikoekin Eusko Jaurlaritza ahuldu nahi dute soilik", kritikatu du EAJk.
"Legebiltzarraren lanarenganako eta akordioenganako errespetu falta" leporatu dio PSEk PPri. Sozialisten esanetan, Alderdi Popularrak, EAJk eta PSEk apirilaren 11n osoko zuzenketa sinatu zutenetik, PPk ez du "inolako erreparorik" azaldu.
Jose Ramon Becerra Elkarrekin Podemoseko legebiltzarkideak "batzordea gaizki itxi" baino akordioa bilatzea nahiago du. Azkenik, "prozeduraren eta edukiaren alde batzuk argitzeko" denbora hartzea ongi ikusten duela adierazi du PPk.
70 milioi euroko gainkostua 2013tik
Enpresen kartelak eskoletako jantokien merkatua banatu eta prezioak adosten zituela uste du Ugarteren txostenak. Horrela, 70 milioi euroko gainkostua eragin zuen 2013tik. Nahiz eta enpresen eta Eusko Jaurlaritzako arduradunen arteko "hitzartzerik" ez ikusi, "Administrazioari moteltasuna" egotzi dio Ugarteren txostenak.
EAJk, PSEk eta PPk sinatutako testuan, Ugarteren ondorioak leuntzen dituzte, baina "kontrol mekanismo nahikorik arautu" ez zela berretsi zuten, baita "diru-kutxa publikoei eta herritarrei egindako kalte ekonomikoa" onartu ere, nahiz eta diru kopururik ez zehaztu. Era berean, Exekutiboaren "lankidetzarik edo hitzartzerik" izan ez zela azpimarratu zuten.
Elkarrekin Podemosen arabera, gainkostua 70,8 eta 80,2 milioi artekoa izan zen. Gainera, Jaurlaritzako hainbat kargudunen "erantzukizun politikoa frogatutzat" jo du, "geldotasun" eta "erantzun faltagatik".
Astelehen honetako batzordean ez zen proposamenik aurrera atera behar, orain taldeek gutxienez hiru aste izango dituzte jarrerak hurbiltzeko eta testu bat adosteko.
Zure interesekoa izan daiteke
Gasteizko Alde Zaharra birgaitzeko plan berriak 35 hotel jartzea baimenduko du
Alde Zaharraren 'Birgaitze Integraturako Plan Berezia' izeneko ituna adostu dute PSEk, EAJk eta PPk. Plan horren arabera, lekuz aldatuko diren tabernei lizentzia mantenduko zaie, eta eraikin osoetako 35 hotel, gehienez jota, jarri ahalko dira.
Iaz baino sagar gutxiago bilduko dira aurten, baina indar handia dakarte sagardorako
Sagar uztaren aurkezpena egin dute Villabonako Otalarre sagastian; izan ere, lehortea dela eta ohi baino lehenago hasi dira batzen aurten sagarra. Unai Agirre Euskal Sagardoa Jatorri Deiturako koordinatzaileak adierazi duenez, iazkoarekin alderatuta, % 60 murriztu da bildutakoa. Guztira, milioi bat eta erdi kilo jasotzea aurreikusi dute. Usain eta gustu handia izango dutenez sagarrek, sagardoak alkohol gehiago izango du.
Hondarribiko jaietan gertatutako hiru eraso matxista salatu ditu Udalak, eta gizon bat atxilotu dute
Udalak indarkeria matxistaren adierazpen guztiak “irmo” gaitzetsi ditu. Bestalde, Ertzaintzak 21 urteko gizon bat atxilotu du irailaren 10ean emakume bati sexu erasoa egitea leporatuta.
EAEko Justizia Auzitegi Nagusiak baliogabetu egin du euskal administrazioan euskararen erabilera arautzen duen dekretua
Euskal Autonomia Erkidegoko Auzitegi Nagusiak memoria ekonomikoan dauden gabeziengatik baliogabetu du Voxek errekurritu zuen araua.
Ehun bat ikuskapen egin dituzte uda honetan EAEko udalekuetan
Eusko Jaurlaritzak hiru ikuskatzaile-plaza sortu zituen, Bernedoko udalekuetan adingabeen sexu-askatasunaren aurkako ustezko delituak salatu ondoren.
Lukas Aguirreren hilketagatik zigor handiena duenak helegitea aurkeztu du, homizidio delitu gisa epaitu dadin
Defentsak Auzitegiari eskatu dio 20 urteko zigorra murriztu dezala, argudiatuz hilketa borroka batean jazo zela eta akusatuak politoxikomaniaren muturreko koadro bat zuela. Donostiako erdiguneko diskoteka baten kanpoaldean gertatu zen, 2022ko abenduaren 25eko goizaldean
Pisako emaitzak hobetzeko autoexijentzia eta Hezkuntza Sistemarekiko konfiantzaren alde egin du Pedrosak
Radio Euskadiko Boulevard saioan egin dioten elkarrizketan Begoña Pedrosa Eusko Jaurlaritzako Hezkuntza sailburuak azaldu duenez, ikasleen irakurketa gaitasuna hobetzeko neurriak ezartzen ari dira ikastetxeetan, PISA txostenaren emaitza txarren ondorioz.
Nafarroako bizilagun bat identifikatu dute Internet bidez debekatutako armak saltzeagatik
Guardia Zibilak webgunea behin-behinean blokeatu du, eta titularra administrazio-zehapena jartzeko proposatu du.
Bonelli arranoa itzuli da: bi kume jaio dira eta itxaropena berpiztu da Nafarroan
Urteetan, Bonelli arranoa desagertzeko zorian egon da Araban eta Nafarroan. Ale berriak ekarri dituzte eta bertakoekin ugaldu dira. Kumeak izan dituzte, bi, Nafarroan: Ida eta Ondallu.
Eusko Jaurlaritzak euskara babes bereziko kultura ondasun immaterial izendatzeko prozesuari ekin dio
Ekimen horren bidez, euskarari "prestigio handiagoa eta aitortza juridiko eta administratibo sendoagoa" eman nahi dio.