Suizidioari aurre egiteko, prebentzioan oinarritutako plana aurkeztu du Osakidetzak
Suizidioak duen eragina murrizteko plan integral aitzindari bat prestatu du Osakidetzak, Suizidioa Prebenitzeko Estrategia goiburupean, eta prebentzioa, esku-hartze goiztiarra eta arreta sistema berezitua ditu ardatz.
Gaur aurkeztu du plana hedabideen aurrean Nekane Murga Eusko Jaurlaritzako Osasun sailburuak, ekintza-plan hori prestatu duen lantalde zabalarekin batera. Suizidioari aurre egiteko ekimen estrategiko bat EAEn martxan jarriko den lehen aldia da, eta sailburuaren hitzetan, "suizidiorako arriskua dakarten jokabideen detekzio goiztiarra eta suizidioa gizartean ikusaraztea" dira helburu nagusiak. "Estigmak eta tabuak" apurtzearen eta bizirik irteten diren pertsonak zaintzearen garrantzia nabarmendu ditu. Horretarako, bederatzi arlotan banatuta, 57 neurri abian jarriko ditu Osakidetzak.
Hasteko, batzorde berezi bat osatuko da, estrategiaren koordinazioa eta jarraipena bermatzeko, eta Euskadiko Osasun Behatokiaren baitan suizidioa landuko duen aparteko talde bat sortuko dute.
Kanpaina ezberdinen bidez, herritarren artean suizidioari buruzko informazioa eta kontzientziazioa zabaltzea izango da planaren oinarrietako bat, arrisku-faktoreak identifikatzen laguntzeko eta prebentzioan laguntzen duten balioak sustatzeko. Halaber, suizidioaren mapa bat egingo da, erabilitako metodoen profila eta arrisku handiko guneak identifikatuz.
Profesionalen formazioari ere berebiziko garrantzia emango zaio, eta jarduera protokolo integratua ezarriko da. Osasun adituak ez ezik, beste esparru batzuetara ere zabalduko da formazioa; hala, identifikazioan eta prebentzioan lagun dezaketen hezkuntzako, gizarte zerbitzuetako, hainbat lan eremutako eta arrisku egoeran egon daitezkeen pertsonen familietako kideek ere jasoko dute prestakuntza.
Bestalde, Suizidio Arriskuaren Kodea (SAK) sortu eta informazio hori pertsona bakoitzaren historia-klinikoan txertatzea aurreikusten da. Arrisku egoeran egon daiteken pazienteari jarraipen zorrotzagoa egitea ahalbidetuko luke kode horrek.
Azkenik, suizidio saiakera batetik bizirik atera diren pertsonei lehen erantzun azkarra emateko jarraibideak ere ezarri dira.
Begirada gizarte osoan jarriko bada ere, bereziki zainduko dira ahultasun egoeran dauden kolektiboak: haurrak eta nerabeak, indarkeria matxistaren biktimak, adinekoak, gaixo kronikoak, mendekotasuna duten pertsonak, bakardadean bizi direnak edota hainbat arrazoi tarteko bazterkeria egoeran daudenak.
Murgaren arabera, Euskadi ez da hutsetik abiatu, "azken urteotan, suizidioaren jokabidea prebenitzeko eta hari heltzeko ekintzak" garatu baitira osasun arloan. Hala ere, gaur aurkeztu den estrategiaren bidez "jauzi kualitatiboa eman nahi" dela azpimarratu du sailburuak.
Gaur aurkeztutako plana hainbat hilabetetan garatutako lanaren emaitza da, eta lan-esparru ezberdinetako aditu ugarik hartu dute parte.
Albiste gehiago gizartea
Ikusi berriz uztailaren 14ko entzierroa
2025eko sanferminetako uztailaren 14ko entzierroa, Orainen.
Miura ganadutegiko zezenek aurtengo sanferminetako entzierro azkarrena egin dute
Zezenek bi minutu eta 16 segundo behar izan dituzte ibilbidea osatzeko.
Zer gertatzen ari da Torre Pachecon?
Arrazakeriak eztanda egin du Murtziako udalerrian, eta ultraeskuina etekina ateratzen saiatzen ari da egoera horretatik. Segurtasun indarrek herria hartu dute asteburuan.
Albiste izango dira: Sanferminen amaiera, bitariko batzordea Kataluniarekin eta Bilboko Aste Nagusiko kontzertuak
Gaurkoan albiste izango direnen laburpena, bi hitzetan.
Iruñeak agur esango die gaur San Fermin jaiei, 'Gaixoa ni' abestuz
Gauerdian, Udaletxeko plazan zain dagoen jendetzak zapi gorria askatuko du bederatzi jai-egunen ondoren, eta ospakizunen amaierak eragindako nostalgia-sentimendua nagusituko da.
Eraso sexisten kontra, gelditu egin dira Iruñea eta sanferminak
Ehunka pertsonek erantzun diote hainbat kolektibo biltzen dituen Indarkeria Sexistaren aurkako Emakumeen Plataformak egindako deialdiari eta Gazteluko plazara joan dira jaietan gertatu diren eraso sexistak salatzeko. Iruñeko Udaleko Bozeramaileen Batzordeak adierazpen bat onartu du igande honetan, hilaren 11ko sexu-erasoaren "erabateko gaitzespena" agertuz.
Kloro ihesa izan da Azkoitiko Ugarteigaran igerileku irekietan eta bost lagun ospitaleratu dituzte baina arriskutik kanpo daude
Lau haur eta heldu bat dira kalteak jasan dituztenak. Udaltzaingoak hustu eta itxi egin ditu instalazioak eta suhiltzaileak eta anbulantziak bertaratu dira. Udalak jakinarazi duenez, "arrazoia kloroa dosifikatzen duen motorrak izandako akats teknikoan datza".
Amarako bizilagunei eskerrak emateko bazkaria antolatu dute asilo eske kalean bizi diren migratzaileek
Bizilagunek azken asteetan erakutsi dieten babesa eskertzeko eta, lotsak gaindituta, elkar ezagutzeko bazkaria egin dute igande honetan Amara auzoan, Donostian. Frantziatik kanporatuta, asiloa eskatzen dute, eta bizilagunak tramiteekin laguntzen ari zaizkie.
Hiru Behien Zergaren zeremonia ospatu dute, Europako itunik zaharrena
XIV. mendeko akordio hori urtero berresten dute Izaban, San Martin harriaren ondoan. Akordioaren arabera, biarnotarrek hiru behi eman behar dizkiete erronkariei, bertako bazkalekuak erabiltzearen truke. Euren arteko gatazka luze bati amaiera eman zion itun horrek.
Segurtasun sailburuordeak elkartasuna agertu die ertzainei, eta Ordizian gertatutakoa "oso larria eta onartezina" dela salatu du
Ricardo Ituarte Eusko Jaurlaritzako Segurtasun sailburuordeak azaldu duenez, larrien dagoen ertzaina Gurutzetako Ospitalera eraman dute, ebakuntza egitera, masailezurra eta lepauztaia hautsita baititu. “Gertatutakoa onartezina eta oso larria da. Ikerketa amaieraraino joango da eraso latz honen erantzukizun guztiak argitzeko. Pertsona gehiago inplikatuta dauden jakin nahi dugu”, esan du Ituartek, eta elkartasuna agertu die erasoa jasan duten ertzainen senideei eta Ordizian izandako ertzainei.