Kaltetutako gunea hondamendi eremu izendatzeko eskatu du Tafallako Udalak
Astelehenean izandako uholdeak direla eta, Tafalla hondamen eremutzat hartzea eskatu du Jesus Arrizubietak, Nafarroako aipatu udalerriko alkateak, astelehen honetan emandako prentsaurrekoan. Gainera, herritarren arretarako bulegoa zabaldu du, bizilagunei laguntzeko asmoz, eta jakinarazi du denbora batez haur-eskola itxita egongo dela.
"Betidanik herri solidarioa izan da Tafalla. Ondo baino hobeto ulertzen dugu auzolan hitzaren esanahia, eta jakin badakigu herritarrek behar bezalako erantzuna emango dutela gertatutako hondamendiaren aurrean", esan du Udalak ohar baten bitartez.
Arrizubietaren esanetan, Udalak ez zuen inolako abisurik edo iragarpenik jaso bart izandako euriteei buruz, eta ibaiak oso denbora gutxian gora egin zuenez "ez genuen ezertarako denborarik izan". "Naturak kanoikadaka tirokatu gaitu", adierazi du.
"07:30ean bilera egin dugu, eta hiru mahai osatu ditugu Udalean; horietako bat, suhiltzaileen buruak zuzenduko du, jasotako laguntza guztiak koordinatze aldera. Bigarrena, berriz, herriko arkitektoak kudeatuko du. Hain zuzen ere, etxebizitzetan uholdeek eragindako kalte materialak zenbatzen eta balioztatzen ari da. Azkenik, garbiketa lanetan laguntzeko asmoz agertu diren boluntario guztiek hirugarren mahai bat osatu dute.
Alkateak azaldu duenez, urak hainbat etxebizitza eta eraikin hartu ditu eta kalte material handiak eragin ditu azpiegitura publikoetan eta oinarrizko zerbitzuetan. Udaleko arkitektoa ibaiaren ondoko eraikinak aztertzen ari da eta, horren arabera, gehien-gehienak baldintza onetan daude, zurkaizteko beharra duen gune bat salbu.
Uxue Barkos Nafarroako jarduneko presidentea, bestalde, Zidakos ibaiak gainez egin ostean kaltetutako udalerrietako alkateekin bilduko da goizean zehar.
Foru Gobernuak iragarritakoaren arabera, bilera horren helburua da Tafallan, Oliten, Puiun, Pitillasen eta Beiren euri-jasek eragindako kalteen berri izatea. Azken orduotan gidari baten gorpua aurkitu dute Ezporogin, urak eramanda.
Zidakos ibaiak 0,11 metroko altuera zeukan atzo, 17:40an. Gauean, berriz, 4 metroko garaiera hartu zuen, inguru horretan izandako prezipitazio handien ondorioz.
Zure interesekoa izan daiteke
Dolumin mezu ugari, Oihane Mateos gogoan
Orain EITBren albiste zerbitzu digitaleko burua bart zendu da, eta zorigaiztoko albistea jaso eta berehala, erreskadan etorri dira samin agurrak.
Auto gidari bat hil da N-132 errepidean, Gasteizen, Lizarrarako noranzkoan
Istripua 12:30ean gertatu da, eta ibilgailuak txandaka bideratu dituzte tarte horretan, errepidea erabat garbitu arte.
Elgeako mendilerroan, Barrundian, piztutako baso sutea kontrolatu nahian ari dira suhiltzaileak
Bart piztu dira garrak, ustez ekaitzaren ondorioz, ez baita baztertzen tximista batek eragindakoa izatea. Bi hegazkin, helikoptero bat, hiru parketako suhiltzaileak eta basozainak ari dira bertan lanean.
Donostiak jendetza hartu du Aste Nagusiko lehen gauean
Pertsona ugari bildu dira Donostiako kaleetan Aste Nagusiaren lehen egunean jai giroaz gozatzeko. Su artifizialek ikusle ugari erakarri dituzte, eta zerua kolorez bete dute. Zezensuzkoak ere ilusioa eta dibertsioa piztu ditu, batez ere haur eta nerabeen artean.
Nola jakin daiteke noiz gertatuko den eklipse bat?
Astronomoek zehaztasunez kalkula dezakete noiz gertatuko den eklipse bat, Ilargiaren, Eguzkiaren eta Lurraren orbitak ikusita.
Zeledon San Migeleko dorrera igota emango diete amaiera Gasteizko jaiei
Astelehen goizaldean, hildako blusen eta nesken igoera eta kandelen prozesioa ere egingo dira, ekintzaz beteriko sei jaiegunei agur esateko.
Huelvako eta Castelloko suteak ezin menderaturik jarraitzen dute
467 lagun ebakuatuta daude oraindik Nieblako suteagatik; Tirigen, berriz, 395 hektarea inguruko eremua erre da eta Cati herria konfinatuta dago.
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.