EuroPride jaialdia Bilbon egitearen aurka agertu da Harro plataforma
Harro transmaribibollo plataformak manifestazioa deitu du irailaren 21erako Bilbon, European Pride Organisers Association erakundeak Bizkaiko hiriburuan irailaren 19tik 23ra bitartean egingo duen bilera salatzeko.
2022an EuroPride jaialdia zein hiritan egingo duten erabaki behar dute, eta Bilbo hautagaien artean dago.
Manifestazioa 'Harro ez da €EuroPride! Gure izenean ez!' lelopean egingo dute eta udan mobilizazio horren aldeko atxikimenduak biltzeko kanpaina bat jarriko dute abian.
Agiri baten bidez, plataformak gogora ekarri du "neoliberalismoak gure borroka despolitizatzeko eta merkantilizatzeko dituen estrategiei aurre egiteko" sortu zela, eta ohartarazi du topaketa honek ez diela soilik Bilbori eta Bizkaiari eragiten, "eredu kapitalistaren interesei erantzunez egiten direlako, jada beste hiri eta herri askotan ikusi dugunez".
"Hiriak erakusleiho eta parke tematiko bilakatu nahi dituzte, desberdintasun sozialak, prekarietatea, pobrezia eta bazterketa ezkutatzeko, eta turismoa gutxi batzuk aberasteko estrategiatzat erabiltzen dute", salatu dute.
Ildo berean, horren guztiaren erantzulea EAJ dela esan dute, "bere proiektu neoliberala aurrera eramateko apustu garbia egin duelako".
Plataformak kritikatu du EuroPride jaialdia "citymarketing-a bultzatzeko beste makroekitaldi bat baino ez" dela.
Halaber, erakundeek LGTBI kolektiboaren izena erabiltzen dutela salatu du, "bazterketa gainditzea lortu ez duten beste kolektibo batzuei politika baztertzaileak ezartzen jarraitzeko". "Eta bitartean pobrezia maila goraka doa, EAJk onartu ez arren", erantsi du.
"Erakundeek jendarte eta hiri eredu baztertzaile, elitista eta kapitalista sustatzen duten bitartean, zabalera eta tolerantzia irudia sortzeko LGTB+ kolektiboaz egiten duten erabilera salatzen dugu. Ez dugu prekarizatzen eta gentrifikatzen duen gayfriendly turismoa. Ez gure izenean. Ez dugu onartuko gu marka batean bihurtzea", azpimarratu dute Harro plataformako kideek.
Gauzak horrela, "borroken arteko elkartasuna" aldarrikatu eta "neoliberalismoaren erasoekin kezkatuta dauden eragile sozialen eta kolektibo ezberdinen arteko elkarlana" bultzatzearen alde egin dute.
Amaitzeko, EuroPride jaialdiaren kanpainarekin bat egiteko eta irailaren 21eko manifestazioa parte hartzeko gonbita luzatu diete herritarrei.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.