Arma bat erakutsi eta alkohol eta droga proban positibo eman du Olatz Txipian
Nafarroako Foruzaingoaren herritarren segurtasunerako patruila batzuk Olatz Txipira joan dira, herritar batek ohartarazi ostean mira teleskopikodun fusil bat zeraman pertsona bat oinez ikusi duela herri hori Uharterekin lotzen duen errepidean.
Ingurua aztertu ondoren, aurretik ere armak eramateagatik zigorrak jaso izan dituen Uharteko bizilagun baten ibilgailua gelditu dute.
Atzeko eserlekuan, salatzaileak aipatutako arma zegoen, zorrorik gabe eta kargagailua jarrita. Arma laugarren kategoriako aire konprimatuko karabina bat zen.
Gidaria gai sorgorgarrien edo alkoholaren eraginpean zihoala susmatuta, probak egin dizkiote, eta positibo eman du alkoholean eta cannabisean.
Gainera, arma eta munizioa kendu dizkiote eta zehapen-proposamena bideratu diote Armen Araudiko arauak hausteagatik dagokion dokumentazioa ez eramateagatik, zorrorik gabe eramateagatik eta kargagailua jarrita eta munizio eta guzti eramateagatik.
Adingabeko hainbat zauritu
Egun batzuk lehenago gazte batek Olatz Txipiko irin-lantegi zaharrean pairatutako kalte arinen delitu baten berri izan zuten, eta horren ustezko egilea salatutako pertsona bera izan zen. Herritar batek jarritako salaketaren arabera, pertsona batek plastikozko bolak erabiliz egindako hainbat tiro jaso zituen. Bi agente Uharteko osasun zentrora joan ziren, eta lesioak zituen hamahiru urteko mutiko bat artatzen ari zirela jakin zuten.
Ondorengo ikerketei esker jakin dutenez, adingabe gehiago ere zauritu dituzte horrela, eta tiroen ustezko egilea identifikatu dute jada.
Zure interesekoa izan daiteke
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek Maialenen ustezko hiltzailea “noraezean zebilen” pertsona gisa deskribatu du, eta biktimari “familia bere aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
Fiskaltzak hiltzaileak 45 urteko espetxe zigorra bete dezala eskatu du, Zigor Kodeak baimentzen duen handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 16 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.