Sei hegaldi desbideratu behar izan dituzte Loiuko aireportuan, lainoaren ondorioz

Lainoaren ondorioz, Bilboko aireportura zihoazen sei hegaldi desbideratu behar izan dituzte gaur goizean. Beste hegaldi batzuek ere atzerapenak izan dituzte ikusgaitasun urriagatik.

Aenako iturrien arabera, Madrildik, Bartzelonatik Valentziatik, Malagatik, Paristik eta Londresetik zetozen hegaldiak desbideratu egin behar izan dira.

Haietatik hiru (Valentziakoa, Malagakoa eta Bartzelonakoa) Sandanderrera desbideratu dira, Madrilgoa hiriburura itzuli da, pariskoa Biarritzera joan behar izan da eta Londresekoa Tolosara.

Iturri berdinen arabera, 10:45 inguruan lainoa urtzen joan da eta normaltasuna itzuli da Bilboko aireportura.