Chivitek jaso du UNESCOk Skolaeri emandako saria
"Skolae: Berdin Bidean - Creciendo en Igualdad" programagatik, UNESCOk Nafarroako Gobernua saritu du arratsalde honetan, Neskaren Nazioarteko Egunean. Foru Erkidegoko Gobernuak 50.000 euroko Nesken eta Emakumeen Heziketaren UNESCO saria jaso du, Parisen, UNESCO Nazio Batuen Hezkuntza, Zientzia eta Kulturako Erakundearen egoitzan.
Maria Chivite Nafarroako presidentea bera joan da saria jasotzera. Chivitek saria jasotzeagatik eskerrak ematerakoan azaldu duenez, aurreko legegintzaldian sortutako egitasmo horren helburua "gizarte justuagoa eta parekideagoa lortzea da, haurren eta gazteen hezkuntzatik abiatuta".
UNESCOk, Nazio Batuen Erakundearen Hezkuntzako atalak, Skolaek "kultura, erlijioa, edo sexu nortasun edo joera dena delakoa ere haurrei berdintasunerako eskubide indibiduala gauzatzeko" ematen dizkien tresnak txalotu ditu. Era berean, Skolaek prebentzio lana ere egiten duela azpimarratu du Unescok, Nafarroako Gobernuak jakitera eman duenez.
Chivitek gogorarazi duenez, Skolae hezkidetza eta hezkuntza afektibo-sexualeko programa "beharrezkoa da genero-desberdintasuna, indarkeria eta sexu-abusuak eta sexu-transmisioko gaixotasunak murrizten laguntzeko ,nahiz sexu-aniztasunarekiko errespetua eta espazio publikoan emakumeen ikuspena errazteko".
Azkenik, Lehendakariak eskerrak eman dizkio programa sortu duen taldeari, programa abian jartzeagatik, eta hezkuntzako maila ezberdinetan finkatzeko lanean ari den egungo taldeari.
Nesken eta Emakumeen Heziketaren UNESCO saria 2015ean sortu zuen UNESCOREN Gobernu Kontseiluak, Txinak babestuta, eta Garapen Jasangarriaren Helburuak gauzatzeko planaren barnean dago; heziketan eta sexuen arteko berdintasunean du oinarri.
Albiste gehiago gizartea
Bilboko Fika kaleko homizidioan inplikatutako hirugarren pertsona bat atxilotu dute
Ertzaintzak hiru pertsona atxilotu ditu dagoeneko igandean Bilbon izandako krimenarekin lotuta. Azken atxilotuak 28 urte ditu, eta bere borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.
Gizon batatxilotu dute Gasteizen, denda bateko langileari genitalak ukitzea leporatuta
Antza denez, susmagarria langilearengana hurbildu zen, produktuak apaletan jartzen ari zenean, eta genitalak ukitu zizkion.
Aburtok bizilagunen laguntza eskatu du Bilboko hilketaren egileak atxilotzeko
Igandean Solokoetxe auzoan 21 urteko gizon bat labankadaz hil zutela eta, atzoko eguna "oso gogorra" izan zela onartu du Bilboko alkateak. Halaber, hilketaren egileak aurkitzeko Ertzaintzarekin kolaboratzeko dei egin die bizilagunei.
Ertzaintzak identifikatu ditu jada Bilbon 21 urteko gizon bat hil zuten hiru lagunak
Identifikatu ostean, bilatzeko lanean ari dira. Erasoa igande goizean gertatu zen, Bilboko Solokoetxe auzoan. Biktimak arma zuriz egindako zauria zuen bularrean, eta Gurutzetako Ospitalean hil zen.