Sexualitatea eta indarkeriarik gabeko bizitzak, Jardunaldi Feministen 2. egunean
3.000 emakume bildu ziren atzo Durangoko Landako gunean Euskal Herriko V. Jardunaldi Feministetan. Bost ardatzen gainean, hurrengo hilabete zein urteetarako ildoak definitu nahi dituzte, eta hamaika hitzaldi, tailer eta mahai inguru antolatu dituzte horretarako.
Bigarren eguna du gaur jardunaldiak eta sexualitatea eta indarkeriarik gabeko bizitzak izan dira aztergaiak. 10:00etatik 12:00etara izan da mahai inguru zentrala: "Gorputzak eta sexualitateak". Jendetza bildu da gaur ere, eta gorputza eta sexualitatea landu dituzte, eskubide sexualak, sexualitate anitzak, sexofobia eta sexualitatearen inposaketa, besteak beste.
16:30etik 18:30era ospatu da bigarren mahai inguru zentrala: "Indarkeriarik gabeko bizitzak eraikitzen". Indarkeria izango dute jomugan, sistema patriarkal kapitalistak eragindako zigor eta biolentziak aztertuz. Tartean, Justizia patriarkaletik feministara, lesbofobia, indarkeria intrageneroa eta transfobia eta despatologizazioa izan dituzte hizpide, besteak beste.
Mahai inguru guztiak zuzenean jarrai daitezke youtube bidez.
Feminismoa "mugimendu erradikala" dela azpimarratu dute antolatzaileek. "Instituzio edota enpresek zuritu nahi duten mugimendua" dela salatzen dute eta hori aldatzea dutela helburu. Eta borroka horretan, adin guztietako emakumeak ari dira jardunaldi hauetan parte hartzen.
Mahai inguruez gain, tailerrak, eztabaidak, ikuskizunak eta gauean kontzertuak ere izango dira. Hemen gaurko programa osoa:
"Salda badago" lelopean ospatzen ari diren jardunaldi hauek jarraipen handia izaten ari dira saretan eta #saldabadago #saldagara eta #jardunaldifeministak joera dira euskal txiolarien artean.
Igandean amaituko da topaketa. 16:30ean mobilizazio handi bat ospatuko dute eta testu bat ere egingo dute publiko.
Eraso arrazistak salatu ditu antolakuntzak
"Salda Badago" leloarekin ospatzen ari diren jardunaldietan atzo eraso arrazistak gertatu zirela salatu du gaur antolakuntzak eta ez dutela horrelakorik onartuko ere ohartarazi dute.
Atzo mahai-inguru dekoloniala ospatu zen, Jardunaldi Feministetako eztabaida nagusienetako bat izan zen, "mugimendu feministaren oinarriak birpentsatzeko oso beharrezkoa" adierazi du antolakuntzak, baina polemikoa ere izan zen. "Emakume zuri gisa interpelatuak sentitzea" zela helburua azaldu dute antolakuntzatik, baina ondorengo eztabaidan "ezinbestekoa den entzumen ariketa faltan izan genuen eta formak galdu egin ziren. Oihuak eta txistuak izan ziren" azaldu dute.
Eztabaida horren ondoren, jardunaldietan parte hartzen ari ziren hainbat emakume feministak "lagun arrazializatuei eraso" egin zietela jakitera eman du antolakuntzak eta ez zela "hitzezko eraso batera mugatu" idatzi dute.
Jarrera horien aurrean, antolakuntzak argi eta garbi esan du ez dituztela eraso arrazistak onartuko eta parte hartzaile guztiei dei egin diete "elkarren aitortza, interpelazio eta zaintza kolektibotik abiatuta jarduteko".
Hemen testu osoa:
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.