ZIENTZIA
Gorde
Kendu nire zerrendatik

Euskal Herriko Unibertsitatearen 'Zientzia Astea' hasi da Bilbon

Berritasun bezala, aurten 'BertsoZientzia' ikuskizuna gehitu zaio eskaintzari, bertsolaritza eta zientzia batzen dituen ekitaldia.
'Zientzia Astea'. ETBko bideo batetik ateratako irudia.

Euskal Herriko Unibertsitateak (UPV/EHU) Bilbon eman dio hasiera 'Zientzia Astea'ri, Zientziaren, Teknologiaren eta Berrikuntzaren astea. Aurten doaneko 200 ekintza inguru eskainiko ditu euskal gizartea zientziaren eta teknologiaren mundura erakartzeko.

'Zientzia Astea'ren 19. edizioa izango da, eta gaur goizean inauguratu du unibertsitateko Nekane Balluerka errektoreak. Jardunaldia Bilbon eta Barakaldon izango daazaroaren 6tik 10era, Donostian 7tik 9ra eta Gasteizen 7tik 10era.

Herritarrak eta ikasleak "zientziaren eta teknologiaren munduarekin ilusionatzeko" helburuarekin, unibertsitateak bisita gidatuak prestatu ditu eskolentzako, tailerrak, erakusketak, lehiaketak eta zientziaren txokoak.

190 ekintzatik 'Zientzia Club' nabarmendu du Balluerkak. Hartan, unibertsitateko adituek umorea eta musika nahasten dituzte zientziaren inguruan hitz egiteko eta "arrakasta handia" izan zuen aurreko edizioetan.

Berritasun bezala, aurten 'BertsoZientzia' ikuskizuna gehitu zaio eskaintzari, bertsolaritza eta zientzia batzen dituen ekitaldia muga tradizionalak hedatzeko eta publiko berri batengana iristeko.

"Kultura zientifikoaren esparrua lehentasun bat da denontzat", adierazi du Hezkuntza sailburuak. Azaldu duenez, EAEk unibertsitateko ikasketak dituzten pertsonen tasarik altuenetakoa ddauka Europan, baita ikasketa zientifiko eta teknologikoen eskaintza handienetakoa ere, "balorazio apartarekin".

Zure interesekoa izan daiteke

18:00 - 20:00
ZUZENEAN
Duela  min.

Bi gizon atxilotu dituzte Tolosan pertsonen trafiko irregularra egotzita

Larunbat goizaldean, Ertzaintzaren patruila batek ibilgailu bat geldiarazi zuen, eta jabetu zen barruan sei pertsona zihoazela, bat maletategian. Gerora egiaztatu zutenez, bidaiariek dirua ordaindu zuten Irunera eta Parisera eramatearen truke. Gidaria eta maletategian zihoan gizasemea atxilotu, eta ertzain-etxera eraman zituzten, epailearen esku utzi aurretik egin beharreko izapideak betetzera.

Gehiago ikusi
Publizitatea
X