Indarkeria matxistaren aurkako manifestazio jendetsua egin dute Baionan
Indarkeria matxistaren aurkako egunaren atarian, manifestazio jendetsua egin dute arratsaldean Baionan, gurean genero indarkeriak gehien kolpatu duen lurraldean; izan ere, aurten hiru emakume hil dituzte euren bikotekideek edo bikotekide ohiek Ipar Euskal Herrian, Euskadi Irratiak jakitera eman duenez.
Antolatzaileek salatu dute zazpi minuturo bortxaketa kasu berri bat dagoela Frantzian, eta tratu txarrak jasaten dituzten emakumeentzako "bitarteko gehiago" eskatu dituzte.
Frantzian, guztira, 137 izan dira hil dituzten emakumeak.
Era berean, Ezkerraldeko eta Meatzaldeko emakumeek indarkeriaren aurkako manifestazioa egin dute goizean. Protesta Sestaoko El Kasko plazatik abiatu eta Santurtziko parkean bukatu da.
Indarkeria matxistaren aurrean emakumeen beharrizan konkretuak artatu behar direla aldarrikatu dute kolektiboek. Horregatik, erakundeei eta udalei "kontzientzia eta sentsibilitate feministadun" neurri eta baliabideak eskatu dizkiete.
Gainera, diru-laguntza ekonomiko "duin, azkar eta nahikoak" aldarrikatu dituzte, baita "alokairu sozialak" ere. Era berean, Premiazko aholkularitza zentroak doako arreta juridiko eta psikologikoa jasotzeko; Genero Indarkeriako epaitegi bereziak 24 orduz zabalik, trebakuntza feminista jaso duten profesionalekin; eta erasotzailea berehala kontrolatzea, besteak beste, eskatu dituzte.
Bestalde, Astelehen Lilak indarkeria matxisten inguruko jardunaldiak egin ditu Iruñean, konkretuki, sexu indarkeriaz eta politikaz mintzatu dira.
Ekitaldian Txomin Laffage Nagore Laffage gaztearen aitari omenaldia egin diote, eta Asun Casasola Nagoreren amak eta Nazanin Armanian Irango idazle erbesteratuak parte hartu dute.
"Kezkaturik" agertu dira, "eskuin-muturraren gorakada eskuratutako eskubideentzat arrisku bat delako", eta sexu indarkeriarekin amaitzeko "adostasun politikoa" aldarrikatu dute. Gainera, Nafarroan sexu indarkeriaren biktimak artatzeko zentro berezi bat sortzea eskatu dute.
Zure interesekoa izan daiteke
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.