San Saturnino eguna, Iruñean
Iruñean, San Saturnino zaindariaren eguna ospatzen ari dira gaur, ostirala. Udalak egitarau oparoa antolatu du, besteak beste, erraldoi eta buruhandien konpartsaren irteera, prozesioa eta meza izan baitira goizean, eta Udaletxeko jaiotzaren inaugurazioa, Gabonetako argiak piztea eta La Pamplonesa bandaren kontzertua, arratsaldean.
09:30ean hasi dute eguna, erraldoien eta buruhandien konpartsaren irteerarekin, autobus geltokitik. Bakearen plaza, Yanguas y Miranda, Garcia Ximenez, San Ignacio, Comedias, Pozoblanco eta Zapateria kaleetatik joan dira Udaletxera, Udalbatzarekin bat egiteko. 10:05ean, Udalbatza San Saturnino elizara joan da, eta patroiaren omenez egindako prozesioan parte hartu du.
10:15ean, prozesioa hasi da: San Saturnino kalea, Kale Nagusia, Arazuri doktorearen pasealekua eta Kale Berria igaro, eta elizara itzuli da. Horiekin batera, erraldoi eta buruhandien konpartsa, La Pamplonesa, udal dantzari eta txistulariak, klarin eta tinbal jotzaileak, mazodunak eta galako zaindariak ere joan dira prozesioan.
11:00etan, San Saturnino elizan, meza egin dute, Francisco Perez Iruñeko artzapezpiku eta Tuterako gotzainak zuzenduta. Musika kapera izan da musikaren arduraduna, Iruñeko Orfeoiaren eta Nafarroako Orkestra Sinfonikoaren laguntzarekin.
12:10ean, segizioa Udaletxe Plazara itzuli da, eta, bertan, erraldoien eta buruhandien konpartsak eta Duguna dantza taldeak ikuskizuna egin dute, Udalbatzaren omenez. Ondoren, konpartsa autobus geltokira itzuli da, Mercaderes, Txapitela, Gaztelu plaza, Sarasate pasealekua, Alhondiga, Tutera, Garcia Ximenez, Yanguas y Miranda kaleak eta Bakearen plaza zeharkatu dituzte.
Atariko jaiotzaren inaugurazioa
San Saturnino egunaren berrikuntzetako bat Udaletxeko jaiotzaren inaugurazioa da. Irekiera hilabete aurreratu da, aurreko urteetan pregoiarekin batera ireki baitute, abenduaren 20aren inguruan. Aurten ere, Iruñeko Jaiotzen Elkartea arduratuko da inaugurazioaz, 17:30ean.
Gabonetako argiztapena
17:45 aldera, Udaletxeko fatxadako argiztapena zein gainerako hiriko argiak piztuko dira. Ekitaldia Oberena abesbatzak girotuko du, eta gabon-kantak abestuko ditu.
La Pamplonesaren kontzertuak
Azaroaren 28an, ostegunean, eta azaroaren 29an, ostiralean, izango dira La Pamplonesaren kontzertuak. Udal musika bandak Manuel Fernandez Caballero (1835-1906) maisuaren 'Gigantes y Cabezudos' tituluari eta Miguel Echegaray eta Izagirreren libretoari (1848- 1927) eskainiko dizkie bi emanaldiak, J. Vicent Egearen zuzendaritzapean.
AGAO abesbatzaren eta Maria Ayaran Garraldaren laguntzarekin, duela 121 urte (1898ko azaroaren 29an) Madrilgo Zarzuela Antzokian estreinatutako obra eskainiko du. Bi kontzertuak 20:00etan hasiko dira, eta sarrerak 5 eta 10 euro artean izango dira eskuragai.
Zure interesekoa izan daiteke
Donostiako La Anunciata ikastetxeak ateak itxiko ditu datorren ikasturtean, ikasle kopuruaren beherakadagatik
Kristau Eskolak patronatuari lagunduko diola iragarri du, Eusko Jaurlaritzako Hezkuntza Sailarekin lankidetzan, egungo ikasleen matrikulazioa datorren ikasturterako errazteko asmoz.
Bigarren gazte bat hil da Pirinioetako elur-jausiaren eraginez
Guadalajarako 22 urteko gizon bat da. Ostegun arratsaldean 25 urteko eskiatzaile bat hil zen, Zaragozakoa, elur-jausi batek harrapatuta Cebolles mendian, pistatik kanpo.
Adamuzko istripuaren biktimen kopurua 46ra igo da
Kordobako Sofia Erregina Ospitaleko zainketa intentsiboetako unitatean zegoen emakumeetako bat hil da gaur.
Bi pertsona atxilotu dituzte, indarkeria erabilita emakumeak prostituitzera behartzen zituzten pisuetan lapurtzeagatik
Donostiako etxebizitza batean "neurrigabeko indarkeria" erabilita egindako lapurreta baten ondorioz hasi zen ikerketa. Etxe hartan, prostituitzera behartzen zituzten biktimak. Mota bereko beste etxebizitza batzuetan antzeko gertakariak jazo ziren; Ferrolen (A Coruña), Gijonen (Asturias) eta Valladoliden.
Espainiako Gobernuak farmazietan kalamu medizinala banatzeko atea ireki du
Javier Padilla Estatuko Osasun idazkariak baztertu egin du marihuana aisialdirako arautzea.
Gizon bat atxilotu dute Bermeon, emakume bati "eraso matxista larria" egiteagatik
Udalerriko Udalak eman du jakitera joan den astean emakume bati eraso egin zion gizona atxilotu dutela.
Fermin Muguruzak eta Amaia Romerok Palestinaren alde Bartzelonan egin den kontzertuan parte hartu dute
Israelek Palestinan genozidio odoltsua hasi eta bi urte baino gehixeagora, Kataluniako kulturaren ordezkariak Bartzelonako Palau Sant Jordin bildu dira Palestinaren askatasuna eskatzeko. Manifest x Palestina kontzertuan Rosalia, Pep Guardiola, Bad Gyal, Amaia, Fermin Muguruza edo Eduard Fernandezek hartu dute parte, besteak beste.
Gizon bat atxilotu dute Barakaldon, beste bati sexu erasoa egitea eta itotzen saiatzea egotzita
Asteazken arratsaldean gertatu zen erasoa, Barakaldoko Lutxana auzoko eraikin huts batean. Biktima eta erasotzailea gaua igarotzera joan ziren bertara.
Gizon batek fisikoki eta sexualki egin dio eraso bikotekideari Gasteizen
Ostegunean gertatu zen erasoa, 16:30 aldera, El Pilar auzoan.
Hexabalente txertoaren zain dauden 30 pertsonak datorren astelehenerako txertatuko dituzte
Iraungitako bi txerto motarekin lotuta egon daitezkeen kasu berriak baieztatu zituen atzo Osasun Sailak; guztira 78 pazienteri eragin diezaieketenak. Horiei dagokienez, argitu dute beharrezkoa denean jasoko dutela txertoa.