Donostiako eta Igantziko bi gazte hil dira Olaguen izandako trafiko istripuan
Bi pertsona hil eta beste bost zauritu dira istripu batean, Olagueko saihesbidean (Nafarroa). Ezbeharrean kamioi batek, 4x4 ibilgailu batek eta hiru autok talka egin dute.
21 eta 19 urteko gazteak dira hildakoak, Donostia eta Igantzikoak (Nafarroa), hurrenez hurren. Biak zihoazen auto berean, eta aurez aurre talka egin du beste ibilgailu baten kontra.
Zaurituak Nafarroako Ospitale Gunera eraman dituzte, zauri arinekin. Zauritutako bat, Lesakako (Nafarroa) 25 urteko gaztea, hildakoen ibilgailuan zihoan.
Beste zaurituak izan dira 34 urteko Urrozko (Nafarroa) gizon bat, aurrez aurre talka egindako beste autoaren gidaria, eta 53 urteko gizon bat, 47 urteko emakume bat eta 16 urteko adingabe bat, guztiak Doneztebekoak (Nafarroa). Kamioaren gidariak ez du zauririk izan.
Istripua N-121-A errepideko 20. kilometroan gertatu da, Nafarroako Gobernuak jakitera eman duenez.
Istripua 19:53 aldera gertatu da. Foruzaingoaren trafiko sei patruila, argiketak eta Iruñeko Segurtasun patruila bat, suhiltzaileak eta anbulantziak bertaratu dira. Argiketa taldeak ikerketa abiatu du, ezbeharraren arrazoiak zehazteko.
4 x 4 ibilgailua Olaguen gertatutako ezbeharrean. Argazkia: EFE
Hildakoak bi gizon gazte dira, eta ibilgailu berdinean zihoazen, Nafarroako Gobernuak zehaztu duenez. Aurrez aurreko talka baten zantzuak ditu autoak.
Biak bertan hil dira, eta zerbitzu medikoek heriotza baino ezin izan dute baieztatu.
Suhiltzaileek gorpuak atera dituzte, eta ondoren Nafarroako Auzitegiko Medikuntza Institutura eraman dituzte, bertan autopsia egin diezaieten.
Errepidea itxita dago, eta zirkulazioa NA-8104 errepidetik desbideratu dute.
Beste auto bat Olaguen gertatutako ezbeharrean. Argazkia: EFE
Zure interesekoa izan daiteke
Dena prest Bilbon, Marijaia noiz iritsiko zain
Onintza Enbeita bertsolariak eta Kaixo konpartsako Ainhoa Urrejolak botako dute txupina. Orain.eus webguneak zuzenean eskainiko du Aste Nagusiaren hasiera 19:00etatik aurrera.
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.