'Aita Mari' ontziak beste 60 lagun erreskatatu ditu Mediterraneoan
Aita Mari euskal atun-ontzia erreskate ontzi bihurtu da, eta gaur egurrezko ontzi batean Mediterraneoan noraezean zebiltzan beste 60 lagun erreskatatu ditu.
Itsas Salbamendu Humanitarioa (SMH) gobernuz kanpoko erakundeko iturriek baieztatu dutenez, igandean beste 93 lagun salbatu zituen.
GKEaren hitzetan, astelehen honetan laguntza jaso duten 60 lagunak noraezean zebiltzan nazioarteko uretan, eta arratsaldean itsasoak okerrera egitea eragingo duen fronte batean murgilduta daude.
Orain, atun-ontzia portu seguru baten esleipenaren zain dago, orain arte laguntza jaso duten 153 lagunak lehorreratzeko; horien artean, adingabe ugari eta gutxienez hiru emakume haurdun daude.
SMHk ohar batean azpimarratu duenez, "portu seguru eta hurbil bakarrak italiarrak eta maltarrak dira"; izan ere, "Europar Batasunaren arabera, Libia ez da leku segurua".
"Nazioarteko legedia betez, Aita Mariko kapitainak ahalik eta distantzia txikiena nabigatzeko eskubidea" duela adierazi du.
Gobernuz kanpoko erakunde horrek ohartarazi duenez, "Mediterraneoa munduko mugarik txarrena da migratzaileentzat"; izan ere, Migrazioetarako Nazioarteko Erakundearen (OIM) datuen arabera, 2019an 1.885 lagun hil ziren itsasoa zeharkatzen zeudela.
Europako agintariak "zonalde honetan salbamendu dispositibo bat manten dezan" eskatu du SMHk.
"Ezin dute erantzukizun hori Libiako herrialdearen esku utzi. Frogatuta geratu da herrialde horrek ez duela kostazainen kidego bat kudeatzeko gaitasunik, ezta erreskate operazioei eskatutako estandarrei erantzuteko ahalmenik ere", gaineratu du.
Zure interesekoa izan daiteke
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.