Espainiak 33 koronabirus kasu baieztatu ditu dagoeneko, horietako bat larria
Koronabirusari aurre egiteko alerta maila (1 agertokia) mantendu du Osasun Ministerioak, nahiz eta azken orduetan kasu positiboek gora egin; izan ere, dagoeneko 33 dira, horietako bat larria: Valentzian bederatzi kasu baieztatu dituzte, sei Kanariar Uharteetan eta beste sei Andaluzian, bost Madrilen, hiru Katalunian, bi Gaztela eta Leonen, bat Balear Uharteetan eta beste bat Aragoin.
Fernando Simon Osasun Larrialdietarako Koordinazio Zentroaren zuzendariak prentsaurrekoa eman du, Koronabirusaren bilakaera jarraitzeko batzordea bildu ondoren. Salvador Illa Osasun ministroak eguneroko bileran parte hartu du.
Guztira, 33 kasu baieztatu dituzte, horietako bik medikuen sendagiria jaso dute jadanik.
Simonek ziurtatu duenez, kasu baieztatuak "baldintza onetan" daude, zainketa berezien unitatean dagoen Madrilgo pazientea barne. Bestalde, kasu arin batzuk ez antzematea posible dela ohartarazi du arduradunak.
Azken datuen berri eman ondoren, erkidegoen lana txalotu du Simonek, bereziki Kanariar Uharteak eta Madril egiten ari diren ikerketa lana, Espainiako pazienteak nola kutsatu diren zehazteko.
"Kalitate handiko ikerketa oso sakona egiten ari dira eta, Andaluzian adibidez, infekzioaren jatorria zehazteko kate osoa finkatzen ari direla ematen du", esan du Simonek.
Hala ere, Madrilgo pazienteak kutsatutako beste pertsona batzuk "larri" egongo balira haien berri izango zuketela adierazi du su Simonek,"“kautelarekin" bada ere. Azkenik, kasu arinak ez antzematea posible dela onartu du arduradunak, kutsatuak medikuarengana ez joatea posible delako.
Albiste gehiago gizartea
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.