Unibertsitatera sartzeko azterketak uztailaren 6tik 8ra izango dira EAEn
Unibertsitatera Sartzeko Batxilergoaren Ebaluazioa uztailaren 6, 7 eta 8an egingo dute Araban, Bizkaian eta Gipuzkoan, eta Selektibitatearen ezohiko proba uztailaren 20, 21 eta 22an izango da. Egoerarik txarrenean ere koronabirusaren pandemiak eten dituen eskolei ekain hasieran berrekin ahalko dieten ustean ezarri du egutegi hori Eusko Jaurlaritzak.
Egutegi horri jarraituta, lehen azterketei dagozkien emaitzak uztailaren 15ean argitaratuko dituzte, eta ezohiko deialdiarenak uztailaren 29an, Eusko Jaurlaritzak ohar batean iragarri duenez.
Cristina Uriarte Hezkuntza sailburuak EHUrekin adostuta aukeratu ditu data horiek, Hezkuntza Sektorearen Batzarra telematikoki egin eta gero, besteak beste Espainiako Gobernuaren eta autonomia erkidegoetarako gobernuen ordezkariekin.
Azterketaren egiturari eta edukiei dagokienez, Hezkuntza Saila arduratuko da, Euskal Herriko Unibertsitatearekin koordinatuta, egungo probak egokitzeaz, ebaluazio irizpideak berrikusteaz edo proba mota malgutzeaz.
Bilera horretan Carlos Gimeno Nafarroako Hezkuntza kontseilariak ere hartu du parte. Nafarroan oraingoz ez dute datarik zehaztu, baina erantsi dute unibertsitatean sartzeko ohiko azterketak ekainaren 22tik aurrera izango direla; eta ezohikoak, uztailaren bigarren hamabostaldian, betiere horretarako osasun erakundeen baimena baldin badago.
Horrez gain, Foru Gobernuak jakinarazi du azterketa ereduan aldaketak egingo dituztela, "unibertsitatean sartzeko ikasle guztien aukera berdintasuna bermatze aldera".
Halaber, matrikula egiteko epea proba horietara egokituko dutela erantsi du.
Enplegu Publikorako Eskaintza
Bestalde, Eusko Jaurlaritzako Hezkuntza sailburuak azaldu du Hezkuntza Saila Enplegu Publikorako Eskaintza atzeratzeko aukera aztertzen ari dela. Ekainaren 20rako dago aurreikusita lehen azterketak egitea, eta Eusko Jaurlaritzak data hori atzera lezake, baina Derrigorrezko Bigarren Hezkuntzako eta Lanbide Heziketako irakasle teknikoei zuzendutako Enplegu Eskaintza Publikoari eusteko konpromisoa erakutsi du.
Albiste gehiago gizartea
Horrelakoa izan zen ultraeskuindar talde batek Torre Pachecoko kebab saltoki baten aurka egindako erasoa
Gutxienez bederatzi pertsona atxilotu dituzte Torre Pachecon (Murtzia), kebab saltoki bati igandean egindako eraso bortitzarekin zerikusia dutelakoan.
Polizia-kargak izan dira gauean Torre Pachecon, baina atxiloturik ez; arratsalderako ultraeskuindarrek protesta deitu dute sare sozialen bidez
Guardia Zibilak kargak egin ditu gauean, baina ez dute inor atxilotu. Eskuin muturreko taldeek deialdia egin dute arratsalderako, sare sozialen bidez, eta hori dela eta, polizia-dispositiboa indartu dute.
Iruñeak agur esan die sanferminei datorren urtera arte
"Gora 2026ko sanferminak!" oihukatuz agurtu dituzte aurtengo jaiak ekitaldi jendetsu batean, udaletxeko balkoitik bertatik, uztailaren 6an txupinazoa bota zuten lekutik bertatik. "Pobre de mí, Pobre de mí, que se han acabado las fiestas de San Fermin" eta "1 de enero, 2 de febrero, 3 de marzo..." ohiko kantak abestu dituzte. Amaieran, plazan eta inguruko balkoietan zeuden milaka pertsonek Sanferminetan eraman duten zapi gorria lepotik kendu dute, eta garbitu eta lisatu ondoren, 2026ko uztailaren 6an berriz jantziko dute.
Gizon bati Torre Pachecon egindako erasoan inplikatutako hirugarren pertsona bat atxilotu dute Errenterian
Ertzaintzak Errenterian atxilotu egin du, Irunera zihoan tren bat hartzera zihoala, antza denez, muga zeharkatzeko asmoz. Gertakaria aitzakia hartuta, istilu arrazistak izan dira hainbat gauetan, Murtziako herrian. Espainiako ultraeskuinak pertsona migratzaileen ehiza abiatu du Torre Pachecon.
Ibai Uribek Mandubiara 25 aldiz igotzeko erronka gainditu du, aitaren omenez: "Minak ez du ideologiez ulertzen"
Indarkeriak bere familiari jarri zizkion aldapen metafora gisa planteatu zuen erronka hau Ibai Uribek. Azkenean, hunkituta eta eskertuta agertu da, senide, lagun eta aita bezala ETAren helburu izan ziren beste pertsona batzuengandik jaso duen babesagatik.
Ordiziak "onartezintzat" jo ditu igandeko istiluak, eta jaiak "errespetuz" bizitzeko deia egin du
Udaleko Bozeramaileen Batzordeak, talde politiko guztien babesarekin, adierazpen instituzionala onartu du. Testuan gogorarazi dutenez, elkarbizitzak "errespetua eta erantzukizuna eskatzen du".
Joseba Asironek "bikaintzat" jo ditu aurtengo sanferminak
"Balorazioa oso ona da, are gehiago, sanferminak bikainak izan direla esango genuke", adierazi du Iruñeko alkateak. Hala ere, Asironek onartu du itzalak ere izan direla aurtengo jaietan, sexu-erasoak esaterako.
Arabako hainbat herrik milurtekoa ospatu dezakete aurten
1.000 urte betetzen dira Arabako 307 herri lehen aldiz agiri batean agertu zirenetik. 'Donemiliagako goldea' du izena eta herri horiek ordaindu behar zituzten zergak zehazten ditu. Erdi Aroko dokumentu horri esker, badakigu Agurain, Zuia, Kuartango edota Trebiñu herriak hor zeudela gutxienez duela mila urte.
Emakundek ohartarazi du emakumeek oraindik ere beren gain hartzen dituztela zainketa gehienak eta lan-prekarietate handiagoa jasaten dutela Euskadin
Emakumeek adingabeak zaintzeko eszedentzien % 87 eta senideak zaintzeko eszedentzien % 72 beren gain hartzen jarraitzen dute, nahiz eta legezko aurrerapenak izan diren berdintasunezko baimenetan.
Bi sexu eraso egin dituzte Iruñean azken orduetan; horietako bat, "intentsitate handikoa"
Erasoak astelehen honetan eman dira ezagutzera Babes Zibileko Batzordean, eta horietako bat "intentsitate handikoa" da.