Ez, Europar Batasuna ez da ari herritarrei elikagai-txartelak banatzen
Europar Batasuna ez dabil elikagai-txartelak banatzen herritar guztien artean koronabirusaren pandemia bete-betean jotzen ari den honetan.
WhatsAppen zabaldu den mezu baten esanetan, Europako erakundeek 800 milioi euroko inbertsioa egin dute herritarren artean elikagaiak banatzeko. Aitzitik, mezua ez da egiazkoa, baizik eta phising edo iruzur zibernetiko kasu bat, erabiltzailearen datuak engainu bidez eskuratzea helburu duena.
Honako hau da aipatu mezua:
Iruzurrezko informazioa zabaltzen duen mezua. Argazkia: EiTB
Testuinguru horretan, hainbat pertsona jarri dira gurekin harremanetan aipatu edukiari buruz galdetzeko #Koronabuloak ekimeneko 600 900 454 WhatsApp zenbakiaren bidez, hau da, EiTBk koronabirusaren inguruan sortzen diren albiste faltsuei eta buloei aurre egiteko martxan jarri duen telefonoan.
Zeregin horretan, Euskal Irrati Telebistak Maldita.es webgunearen (Maldito Bulo atalaren bidez) laguntza du, besteak beste, eta horiek dagoeneko phising kasutzat jo dute mezua.
Ildo horretan, Maldito Bulok gogorarazten digun lehenengo gauza da berebiziko garrantzia duela mezuak zein helbidetara zuzentzen gaituen egiaztatzea, iruzurra dela konturatzeko gakoetako bat den aldetik. Hala, kasu honetan, nabarmena da mycupones.xyz/tarjeta-europeo/# URLa ez dagokiola "Europar Batasuneko edo Kanpo Arazoetako, Europar Batasuneko eta Lankidetzako Ministerioko erakunde ofizialei".
Behin helbide horretan sartuta, presa iradokitzen duen mezu bat aurkituko dugu ("Azkar!. Gure ardura da zuri laguntzea"). Halakoak oso "ohikoak izaten dira phishing kasuetan", Maldito Bulokoek azaltzen duten bezala. Gainera, "Eskatu" botoiari eman ostean, ustezko laguntza WhatsAppeko 15 laguni edo talderi bidaltzeko eskatzen dute, "haiek ere txartela jaso dezaten", baina ez dago ustezko laguntzaren arrastorik.
Halaber, webgunearen goiburuan azaltzen den irudia Espainiako Gobernuko Nekazaritza, Arrantza eta Elikadura Ministerioaren ataritik dago aterata; hain zuzen ere, pertsona behartsuenei elikadura-laguntza emateko 2019ko programari buruz argitaratutako albiste batetik.
Bestalde, Maldito Buloko kideek adierazi dutenez, iruzurrezko mezuan aipatzen diren 800 milioiak "Elkartasunerako Europako Funtsaren irismena zabaltzeko proposamen bati dagozkio, osasun publikoko larrialdiei aurre egin eta COVID-19ak larriki kaltetutakoei finantza-laguntza ahalbidetzeko xedea duena", Europako Parlamentuaren webgunean zehazten denez.
Azkenik, gogorarazi behar da kasu hau ez dela #Koronabuloak ekimenetik gezurtatu dugun phising mezu bakarra, aurretik ere egin baitugu Gurutze Gorriarekin lotutako beste iruzur saiakera batekin.
Maldita.es atariarekin ez ezik, VOST Euskadirekin eta Eva Caballerok Radio Euskadin duen La Mecánica del Caracol dibulgazio saioko komunitate zientifikoarekin ere ari da EiTB elkarlanean zurrumurruei aurre egiteko asmoan.
Zure interesekoa izan daiteke
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.
Uda beteko tenperaturak astea hasteko : gaur 30 graduak gaindituko dira aste erdian udazken giroari bide eman aurretik
Nafarroako hainbat tokitan, Iruñean eta Erriberan kasu, termometroak 35 graduraino iritsiko dira gaur. Bihar goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera.
Normandiako Lehorreratzetik Markinara: Abelek Bigarren Mundu Gerrako kamioneta bat du egurra garraiatzeko
Bigarren Mundu Gerrako kamioneta bat dabil Markina-Xemeingo mendietan. Abel Ibarluzea jabeak egurra garraiatzeko eta beste baserriko beste zenbait lanetarako erabiltzen du. Garai batean, Euskal Herrian ohikoa zen AEBko armadaren gerra-ibilgailu hauek ikustea. Gaur egun, Abelena da geratzen den bakarrenetako bat.