Behera egin du kutsatu kopuruak Arabako eta Gipuzkoako egoitzetan: 281 eta 195 dira
Gipuzkoako adinekoen egoitzetan bizi ziren hiru pertsona hil dira azken 48 orduetan COVID-19aren ondorioz. Datu positibo gisa, ez da kasu positiborik atzeman denbora tarte horretan.
Gipuzkoako adinekoen arretarako egoitza-sarean 65 zentro daude, eta guztira 5.425 pertsona bizi dira horietan. Koronabirusarekin kutsatu direnetatik 193 pertsonak gainditu dute gaitza, 156 hil egin dira eta 195ek positibo eman dute.
Eibarko San Andres, Arrasateko Iturbide eta Donostiako Berra egoitzetan gertatu dira azken heriotzak.
Oraindik ere, 15 egoitzak dituzte COVID-19 kasu positiboak Gipuzkoan, 29 adinekok Gurutze Gorriaren Donostiako zentro soziosanitarioan jarraitzen dute eta 32k ospitalean.
Bestalde, Arabako adinekoen egoitzetan ez da COVID-19ak eragindako heriotzarik izan hirugarren egunez jarraian, eta kutsatutakoen kopuruak behera egiten jarraitzen du (281). 275 pertsona egoitzetan bertan artatzen ari dira, eta 6 ospitalera eraman behar izan dituzte, osasun egoera larrian zeudelako.
Era berean, errekuperatutakoen kopuruak gora egin du, eta 122 dira gaixotasuna gainditu duten egoiliarrak, aurreko eguneratzean baino zortzi gehiago.
Osasun-krisia hasi zenetik 134 heriotza zenbatu dira guztira egoitza-zentroetan eta ospitaleetan. Horietatik 72 zentro pribatuetan bizi ziren, 60 foru egoitzetan eta 2 20.000 biztanletik beherako udalerrietako ekipamenduetan.
Desgaitasuna duten pertsonen egoitzetan, kasu positiboak murriztu egin dira (30) eta 2 pertsona daude ospitaleratuta.
Bizkaiko egoitzei dagokienez, 880 pertsonak eman dute positibo koronabirusean, aurreko ostiralean baino 6 gutxiagok. Horietatik 105 ospitaleratuta daude eta 270 sendatu dira.
Gainera, 341 langile daude kutsatuta eta beste 230 bakartuta, testik egin gabe.
Apirilaren 16an eman zuen azkenekoz hildakoen datua Bizkaiko Foru Aldundiak: 157 heriotza baieztatu zituen orduan, eta beste 20 "susmopean" zeudela adierazi zuen Rementeria ahaldun nagusiak.
Albiste gehiago gizartea
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.