15 hildako eta 45 positibo berri EAEn, hildako bat eta 13 positibo Nafarroan
15 pertsona hil dira koronabirusarekin azken orduetan Euskal Autonomia Erkidegoan. Guztira, 1.418 dira osasun krisia hasi zenetik hildakoak.
Espainiako Osasun Ministerioak jakitera eman duenez, 45 positibo berri atzeman dituzten PCR probetan (infekzioa aktibo dagoela baieztatzen duen proba). Guztira, 13.156 kasu atzeman dituzte proba horiekin.
Eusko Jaurlaritzak eman dituen datuen arabera, lurraldeka, 8 positibo izan dira Araban, 33 Bizkaian eta 4 Gipuzkoan.
"Test azkarraren" bidez antzemandako kasu berriak, berriz, 150 izan dira. Proba horrek hartutako immunitatea edo pertsona batek sortutako antigorputzak neurtzen ditu, eta iraganeko infekzio bat adieraz dezake.
Test guztien emaitzak batuta, COVID-19 kasu baieztatuen kopurua 17.677 da Euskadin, eta horietatik %82,9 sendatuta edo alta emanda daude.
Une honetan 435 pertsona daude ospitaleratuta (atzo baino 58 gutxiago), horietatik 361 solairuko geletan eta 74 ZIUn.
Nafarroan 13 kutsatu gehiago atzeman dituzte azken 24 orduetan PCR proben bidez (% 0,3 gehiago aurreko egunarekin alderatuta), eta pertsona bat hil da koronabirusarekin. Bi pertsona ospitaleratu behar izan zituzten eta 90ek alta jaso zuten.
Pandemia hasi zenetik 5.052 kasu baieztatu dituzte PCR proben bidez eta eta beste 2.410 kasu antigorputzen test bidez (7 positibo atzoko egunean). Hala, guztira 7.462 kasu izan dira Nafarroan
Bestalde, azken orduetako heriotzarekin, 488 pertsona dira jada hildakoak (kutsatuen % 6,5). Horietatik,% 68,4 (334 pertsona) ospitaleetan hil dira dira, eta % 31,6 (154 pertsona) ospitaleetatik kanpo.
Hildakoen adin-tartea 26 eta 107 urte bitartekoa da, 83 urte da batezbestekoa.
Pandemia hasi zenetik 3.014 pertsona sendatu dira (kutsatuen % 40,4). Une honetan, kasu aktiboak (sendatu ez direnak eta hil ez direnak) 3.960 dira (aurreko egunean baino% 1,93 gutxiago).
Diagnostikatutako 7.462 pertsonetatik,% 51,2 (3.822 pertsona) etxean egon dira, % 1,3 (96) ospitalean,% 0,2 (13) etxeko ospitalizazioan eta % 0,4 (29) zainketa intentsiboetan.
Nafarroako Osasun Sistemako (publikoa eta pribatua) profesionalei dagokienez, 17 kasu berri diagnostikatu zituzten atzo. Orain arte, pandemia hasi zenetik 850 profesional kutsatu dira, 15.000 pertsonako kolektiboaren % 5,67 gutxi gorabehera.
Oharra: PCR testak eta test azkarrak batu dira grafikoan
143 hildako Estatuan, martxoaren 18tik izandako kopururik baxuena
143 pertsona hil dira azken 24 orduetan Espainian, martxoaren 18tik izandako kopururik baxuena, hain zuzen ere. Orotara, 26.621 pertsona hil dira pandemia hasi zenetik.
PCR testen bidez, berriz, 621 kasu berri atzeman dituzte, 224.390 guztira. Kopuru hori ez da behin betikoa, Madrilek ez baitu bere kutsatu berrien daturik eman oraindik, Osasun Ministerioak jakinarazi duenez.
Hamar erkidegotan (Andaluzia, Aragoi, Balear Uharteak, Kanariak, Kantabria, Gaztela eta Leon, Extremadura, Murtzia, Nafarroa eta Errioxa) eta Ceuta eta Melilla hiri autonomoetan ez dute inor ingresatu ZIUetan.
Azken 24 orduetan, gainera, Kanarietan, Kantabrian, Ceutan eta Melillan ez da inor hil koronabirusarekin; eta Aragoin, Galizian, Murtzian eta Nafarroan pertsona bana.
Madril (46 hildako), Katalunia (25) eta Gaztela-Mantxa (21) izan dira hildako gehien izan dituzten erkidegoak.
PCR bidez baieztatutako kasu berriei dagokienez, Madrilgo erkidegoaren datuen faltan, Kataluniak 151 kasu erregistratu ditu, ondoren Gaztela eta Leonek 110 eta Gaztela-Mantxak 65.
Espainia da, oraindik ere, kutsatze gehien izan dituen Europako herrialdea, eta heriotza gehien izan dituen munduko laugarrena, AEBen, Erresuma Batuaren eta Italiaren atzetik.
Albiste gehiago gizartea
Aburtok bizilagunen laguntza eskatu du Bilboko hilketaren egileak atxilotzeko
Igandean Solokoetxe auzoan labankadaz hil zuten 21 urteko gizonaren harira, atzoko eguna "oso gogorra" izan zela onartu du Bilboko alkateak. Halaber, hilketaren egileak aurkitzeko Ertzaintzarekin kolaboratzeko dei egin die bizilagunei.
Ertzaintza Bilbon hil duten 21 urteko gizonaren hiltzailearen edo hiltzaileen bila ari da
Erasoa igande goizean gertatu zen Solokoetxe auzoan. Biktimak arma zuriz egindako zauria zuen bularrean, eta Gurutzetako ospitalean hil zen gutxira.
Ibai batek eraman zuen adingabe baten gorpua aurkitu dute Bartzelonan, eta aitaren bila ari dira
Desagertuen ibilgailua sakan baten hondoan aurkitu dute, oso egoera txarrean; euri-jasa bortitzen ondorioz, ur-emaria handitu egin da, bi metro eta erdira arte.
Albiste izango da: "Karmele" Zinemaldian, udazkena helduko da eta Nazio Batuen Batzar Nagusia
Orainek gaur landuko dituen albiste nagusien laburpena.
Mogie Gym: gurpil gaineko kirola Pirinioetako herrietan
Aritz Carballok furgoneta soil bat entrenatzeko erabat hornitutako espazio bihurtu du. Orain arte gimnasiorik ez zegoen Nafarroako Pirinioetako landa-eremuetan dabil. Helburua da jarduera fisikoa eta ohitura osasungarriak eramatea horiek eskura ez dituztenei.
Pertsona bat hil da Trebiñun, bi autoren artean izandako istripuan
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxita geratu da Burgoserako norantzan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.
Berrezarrita tren-zirkulazioa Tolosa eta Villabona artean, zutoinen erorketaren ondorengo etenaldia eta gero
Renfek errepide bidez garraio alternatiboa eskaintzeko plan bat jarri du martxan igande goizean, kaltetutako bidaiariak euren azken helmugara edo gutxienez Tolosako geltokira eramateko. Hala ere, zirkulazioa berriro ere martxan jarri da 19:00ak aldera.
Beharrezkoa al da benetan proteina ugariko produktuak kontsumitzea?
Proteinarekiko obsesioa saltokietara iritsi da, baita nutrizionisten kontsultetara ere. Osasungarriak ematen badute ere, etiketak irakurri beharra dago. Adituek formula klasikoa gomendatzen dute: dieta orekatua eta ariketa fisikoa.