Euskal kartzeletako funtzionario eta presoei test azkarrak egiten hasi dira
Euskal kartzeletako funtzionario eta presoei COVID-19 gaitza atzemateko test azkarrak egiten hasi da Osakidetza. Martuteneko, Basauriko eta Arabako kartzelak dira Euskal Autonomi Erkidegoan daudenak. Momentuz, ez da positiborik erregistratu egindako frogetan.
Espainiako Gobernuaren Euskadiko ordezkari Denis Itxasok Arabako kartzela bisitatu du astelehen honetan, Benito Aguirre zuzendariak lagunduta, eta langileen eta presoen osasuna bermatzeko Espetxeetako Erakundeek bultzatutako neurriak errepasatu ditu.
Astelehen honetan, Osakidetzak test azkarrak egin ditu Martuteneko eta Arabako espetxeetan, eta aste honetan zehar Basaurikoan egingo ditu. Presoen kasuan, Martutenekoei ostegunean egin zitzaizkien testak, Arabakoei gaur egin zaizkie, eta Basaurikoei gaur eta bihar bitartean egingo zaizkie.
Itxasok gogoratu duenez, kartzeletan ez zen kanpoko inor sartzen utzi pandemia hasi zenetik, presoak eta langileak babesteko, izan ere, arrisku handiko taldearen barruan zeuden. Era berean, baimenetan, deietan eta irteeretan izan dituzten mugak aipatu ditu eta "euren jarrerarekin eredu oso ona" eman dutela azpimarratu du.
Presoek izan dituzten mugak arintzeko, telefono deietarako denbora handitu egin zen, eta baliabide gutxien zituztenentzat dohainik izatea erabaki zen. Gainera, Euskadin sei mugikor erosi ziren presoek euren senideekin edo abokatuekin bideokonferentziaz hitz egin ahal zezaten. Orain arte, halako 1.518 komunikazio eman dira, 10 minutukoak eta doakoak.
"Babes-ekipoak azkar erosi izanak langile eta presoen babes egokia bermatu du, baita lurreko armadak Euskadiko espetxeetan egindako desinfekzio lanek ere", adierazi du Denis Itxasok.
Zure interesekoa izan daiteke
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Martxan da ikerketa, Igorreko errugbi taldeak iruzurra egin duen argitzeko.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.