Satlantis konpainiaren kamera aitzindaria Nazioarteko Espazio-estaziora iritsi da
EHUren Leioako Parke Zientifikoan egoitza duen Satlantis euskal konpainiaren argazki-kamera iraultzailea astelehen honetan iritsi da Nazioarteko Espazio Estaziora, bost eguneko ibilbidea egin eta gero.
Lurra behatzeko erabiliko den kamera maiatzaren 20an bidali zuten espaziora, Japoniako Esplorazio Aeroespazialeko Agentziaren estaziotik.
"Jaurtiketa arrakastatsua izan zen, eta nazioartean mugarri izango da, lehen aldiz bidali baitute tamaina horretako kamera bat espaziora", adierazi du Juan Tomas Hernani Satlantiseko kontseilari delegatuak.
Proiektua gauzatzeko, zazpi urteko lana eta 16 milioi euro baino gehiago behar izan dituzte.
Argazki-kamera aitzindaria espaziora bidaltzeko ekitaldia zuzenean eskaini zuten Bilbon, Madrilen, Erroman, Parisen, Washingtonen, Floridan, Bruselan eta Tokian.
Kamera eraman duen suziri japoniarrak 27.580 km/h-ko abiadura hartu du, eta bost egun behar izan ditu Nazioarteko Espazio Estaziora heltzeko. Christopher Cassidy NASAko astronauta arduratu da maniobraz.
Argazki-kamera ekainaren 10ean jarriko dute Kibo estazio japoniarraren kanpoaldean, Lurrari begira. Lehen aldiz jarriko dute estazio horretan japoniarra ez den teknologia duen gailu bat.
Kamera iraultzailea tamainagatik
Kamerak 15 kiloko pisua du (ohiko teknologiekin egindakoak baino % 80 arinagoa da), eta segundoko 20 irudi grabatuko ditu: hiri handiak, mugak, kostaldeak, natura edo ozeanoak.
Irudi horiei esker, posible izango da, besteak beste, itsasoko arriskuak antzematea, hala nola petrolio isurketak, algen zabalkundea eta plastikoen pilaketak. Halaber, uzten eta suteen jarraipena egitea eta klimaren bilakaera eta horren ondorioak aztertzea ahalbidetuko du.
Kamera txikia izan arren, bereizmen handiko argazkiak aterako ditu, eta behaketa horren ondotik mundu mailako ingurumen politika berriak sortzea da asmoa.
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.