Eusko Jaurlaritza zigortu dute ertzainen lan babeserako neurriak ez hartzeagatik
Euskal Autonomia Erkidegoko Justizia Auzitegi Nagusiko Gizarte arloko Salak aintzat hartu du Erne sindikatuak aurkeztutako salaketaren zati bat, eta Eusko Jaurlaritza zigortu du Ertzaintzako agenteen “osotasun fisikorako eskubidea urratzeagatik”, covid-19aren pandemiaren aurrean “eskatzea zilegi ziren lan babeserako neurriak erabat edo partzialki ez betetzeagatik”
Ebazpenean esaten denez, Ertzaintzako funtzionarioen osotasunerako eskubide oinarrizkoa urratu du Eusko Jaurlaritzak, alderdi fisikoan.
Horren aurrean, huts egindako jardunbideak gauzatzera zigortzen du Jaurlaritza epaiak, hots, ahozko bista egin zenean gauzatu beharrekoak: “agente guztiei norbere babeserako baliabide guztiak ematea, hala nola maskarak, betaurrekoak, erabili eta botatzeko eskularruak, buzoak eta hondakin infekziosoetarako edukiontziak”.
Auzitegi Nagusiaren ustez, Exekutibo autonomikoak “Ertzaintza osatzen duten langileen osotasun fisikorako eskubidea urratu du”.
Horren arabera, bere “jardunbideak edo, hobeto esanda, epe batez erakutsitako omisioak lesioak egon ahal izateko” arrisku larria eragin du, eta “arrisku larri eta benetakoan jarri ditu eskaera honek aintzat hartzen dituen funtzionarioen osasuna”.
Dena dela, Auzitegiak aitortzen du zirkunstantzia batzuek, hala nola aurreikusteko zaila zen egoera izateak esaterako, bere neurrira ekartzen dituztela "jarduerarik ezaren ondorioak”.
155.000 maskara FPP2 eta kirurgiko
Epaiaren berri izan eta gero, Eusko Jaurlaritzako Segurtasun Sailak azaldu du 155.019 maskara, FPP2 eta kirurgikoak, banatu dizkiela Ertzaintzako agenteei urtarrilaren 30etik ekainaren 1era, baita nitrilozko 477.097 eskularru, erabili eta botatzeko 7.862 buzo eta babesteko 5.672 betaurreko ere, koronabirusaren pandemiari aurre egiteko babes material gisa.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.