2020-21 ikasturteko aurrez aurreko eskolen diseinua egin du Nafarroak
Nafarroako Gobernuaren Hezkuntza Departamentuak prebentzio eta antolakuntza protokolo bat osatu du 2020-2021 ikasturtean aurrez aurreko eskolak emateko, eta bertan sektore blokeatzaileak eta bizikidetza talde egonkorrak egongo dira, pertsonak eta eremuak zonifikatzeko, agerraldi bat egonez gero sektore edo taldeak isolatu ahal izateko.
Protokoloak ez du jasotzen tenperatura hartzea, eta "aurreikusi ezin den" ikasturte baterako dago prestatua, Carlos Gimeno Hezkuntza kontseilariak azaldu duenez. Horregatik, agertoki desberdinak planteatzen ditu, osasun egoera desberdinei aurre egin ahal izateko. Horrela, protokoloa "berrikusi" egingo da "etengabe".
Haur eta Lehen Hezkuntzan ikasleak elkarbizitza egonkorreko taldeetan banatuko dituzte, gehienez 25 ikaslerekin eta irakasleekin, eta zentroko gainerako taldeetatik bereizita egongo dira, ia erabat isolatuta. Talde horren barruan, aske mugituko dira, eta ez da beharrezkoa izango musukorik erabiltzea.
Talde egonkor horietatik kanpo, baina, musukoa erabili beharko da, eta metro eta erdiko distantzia zaindu. Gainerako etapetan ere, beharrezkoa izango da musukoa, distantzia gorde ezin denean, baina ez da erabili beharko eserita egoteko, distantziari eusten bazaio.
Irakasleen kasuan, erabilera boluntarioa izango da talde egonkorretan daudenean, eta beharrezkoa izango da gainerako kasuetarako, distantzia zaindu ezin denean. Garraioan beharrezkoa izango da 6 urtetik gorakoentzat, eta maskara kirurgikoak egongo dira ikastetxean, norbaitek sintomak dituenerako, eta higienikoak, irakasleentzat.
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.