Hiru adingabe ospitaleratu dituzte Gorlizko topada batean alkohol gehiegi edateagatik
Etilismo larria zuten hiru adingabe larrialdi-zerbitzuek artatu, eta Bizkaiko Urduliz eta Gurutzetako ospitaleetara eraman behar izan zituzten joan den astearte arratsaldean Gorlizko (Bizkaia) pinudian edateko antolatutako topaketa batean.
Ertzaintzak zelaietatik ehunka gazte atera behar izan zituen osasun-segurtasuneko arauak urratzen ari zirelako eta COVID-19ak ezarritako segurtasun-distantzia errespetatzen ari ez zirelako, Eusko Jaurlaritzako Segurtasun Sailak eta DYAk jakitera eman dutenez.
Gertakaria 16:00etan jazo zen. DYAko anbulantziak birritan gerturatu behar izan ziren Bizkaiko udalerriko pinudira: lehenik, 13 urteko bi adingabe artatzeko, eta, bigarrenik, ordubete geroago, 14 urteko gazte bat artatzeko. Bertan, gutxienez 200 adingabe bildurik zeuden, eskatutako gutxieneko segurtasun-distantzia gorde gabe.
Ertzaintzaren eta Udaltzaingoaren patruilak bertaratu ziren, eta zelaiak hustu zituzten. Orain dela 20 egun ere antzeko zerbait gertatu zen pinudi hartantxe, baina, orduan, Ertzaintzak bi pertsona identifikatu behar izan zituen.
Gazteak Gorlizko pinudian bertan artatu ostean, lehen bi adingabeak Urdulizko ospitalera eraman zituzten, urdaila garbi ziezaieten; hirugarrena, urtebete nagusiagoa eta egoera ez hain larrian zegoena, Gurutzetako ospitalera eraman zuten.
Nagore Utxupi: "Bizkaiko Foru Aldundiari laguntza eskatzen diot"
Radio Euskadin eta Radio Vitorian egindako elkarrizketa batean, Nagore Utxupi Gorlizko alkateak laguntza eskatu dio Bizkaiko Foru Aldundiari, zaintza gehiago behar dela uste baitu, eta gogorarazi du pinudia Bizkaiko Foru Aldundiarena dela. Utxupiren esanetan, "pinudia eta hondartza zaintzeko eta kontrolatzeko hondartzain gehiago izan bagenitu, gertatutakoa atzeman izango genukeen eta ez zen halakorik gertatuko".
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.