AP-8 autobideko Donostiarako erreiak berriro ireki dituzte Zaldibar parean
Bizkaiko Foru Aldundiak AP-8 autobidean Donostiarako noranzkoan dauden bi erreiak ireki ditu gaur goizean, Zaldibar parean, otsailaren 6an Verter Recycling enpresak kudeatutako zabortegian izandako luiziaren ondorioz kaltetutako zatian. Aldundiaren egutegiaren arabera, uztailaren 7an itzuliko da zirkulazioa bere onera, Bilborako noranzkoan dauden erreiak zabaltzen dituztenean.
Ildo horretatik, Bizkaiko Foru Aldundiak autobidearen tarte horretan "normaltasuna berrezartzeko" egingo dituen lanek eragina izango dute trafikoan, gauez, uztailaren 5era arte. Hala, datozen gauetan, errepidea itxi egingo dute Kantabriarako bidean, eta 71. kilometroan Azitaingo ordainlekurantz bideratuko dute zirkulazioa.
Imanol Pradales Azpiegituretarako eta Lurralde Garapenerako foru diputatuak azpimarratu du autobidea "segurtasun berme guztiekin" irekiko dutela. Eusko Jaurlaritza horma bat eraikitzen ari da zabortegia zegoen mendi magalaren eta autobidearen artean, eta Bizkaiko Foru Aldundiak luizien aurkako sare bat eta dike bat jarri zituen martxoan.
Maiatzaren hasieran eraikitzen hasi ziren hormak 90 metroko zabalera eta 25 metroko altuera izango ditu.
AP-8 autobidea otsailaren 6tik egon da itxita Donostiarako bidean, eta beste bi erreietan zirkulazioa tarteka eman dute.
Pradalesek azaldu duenez, zaintza sistema baten bidez, une oro monitorizatzen dute inguruan gertatzen ari dena. Horrela, bada, "zabortegian mugimendu txiki bat egongo balitz", autobidea eta Ermuko saihesbidea ixteko protokoloa abiatuko lukete. Segurtasun dispositibo horretan, Ertzaintzak, Trafiko Zuzendaritzak eta Bizkaiko eta Gipuzkoako foru-aldundiek hartuko lukete parte.
Bizkaiko Foru Aldundiak 3.359.525 euro erabili ditu orain arte AP-8 autobidean eta N-6334 errepidean izandako kalteak konpontzeko.
Zure interesekoa izan daiteke
Albiste izango dira: iraungitako txertoak, abisu horia kostaldean eta AEBren zigorra Kubari
Gaurkoan Orain-en albiste izango direnen laburpena, bi hitzetan.
Beste elur-jausi hilgarri bat izan da Pirinioetan
Cerler estazioan, Huescan, 25 urteko eskiatzaile bat hil da elur-jausi batek harrapatuta, Cebolles mendian, pistatik kanpo. Negu beltza izaten ari da Pirinioetan, eta dagoeneko zortzi pertsona hil dira denboraldi honetan elur-jausiengatik.
Adamuzeko 45 hildakoen aldeko hileta elizkizuna, Huelvan
5.000 lagun inguru elkartu dira ospakizuna egin den kirol-pabilioian. Gotzainen Batzarreko presidenteak eta Huelvako gotzainak gidatu dute elizkizuna.
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.