Koronabirusa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Egoera zaurgarrian dauden familien diru-sarrerak 7.000 eurora jaitsi dira krisiagatik

Ikerketa baten arabera, emakumeak dira prekarietate eta lan-pobrezia gehien jasaten dutenak, eta horrek egoera okerragoan jartzen ditu krisi berri bati aurre egiteko orduan.
Pertsona bat, elikagaiak familia zaurgarrientzako zentro batean hartzen.
Pertsona bat, elikagaiak familia zaurgarrientzako zentro batean hartzen. Argazkia: EFE
author image

Agentziak | Erredakzioa

Azken eguneratzea

Covid-19ak eragindako krisi ekonomikoaren ondorioz, egoera zaurgarrian dauden familien diru-sarrerak % 31 murriztu dira, eta, batez beste, 6.942 euro jasotzen dituzte urtean, Save the Children gobernuz kanpoko erakundeak ostiral honetan salatu duenez. Elkarteak alarma-egoera ezarri ostean egindako ikerketa baten emaitzak zabaldu ditu gaur.

Pandemia baino lehen, galderak erantzun zituzten familiek urtean batez beste 10.143 euro irabazten zituztela erantzun zuten, eta, horrek, pobreziaren mugaren azpitik jartzen zituen (% 62k ez zuen lanik). Hiru hilabete geroago, lana zutenen % 32k lana galdu du, gobernuz kanpoko erakundeak ohar batean azaldu duenez.

"Ikerketa ugarik erakusten dute gurasoen lan egoeraren eta adingabeen eskola-arrakastaren arteko lotura. Lan-ezegonkortasuna zenbat eta handiagoa izan, orduan eta aukera txikiagoa izango dute 15-16 urterekin eskola-graduatua lortzeko, eta ikasketak alde batera uzteko arrisku handiagoa", azaldu du Catalina Perazzo Save the Children Haur eta Sentsibilizazio Politiken zuzendariak.

Halaber, egoera zaurgarrienean dauden adin txikikoak dira haien ikasketekin jarraitzeko zailtasun gehien izan dituztenak. Izan ere, gobernuz kanpoko erakundearen programetan parte hartzen dutenen % 39k eten digitala jasan dute, eta % 64k zaila izan dute eskola-erritmoari jarraitzea, batez ere, laguntza emateko denbora eta ezagutza faltagatik (hizkuntza ez menperatzeagatik edo ikasketa-maila baxuagatik).

Bestalde, adingabeen % 72k eta helduen % 77k haien osasun emozionalak okerrera egin duela adierazi dute, eta familien % 55ek, berriz, azken hilabeteetan gurasoen eta seme-alaben artean etxeko gatazkak areagotu direla onartu dute.

Ikerketaren arabera, emakumeak dira prekarietate eta lan-pobrezia gehien jasaten dutenak, eta horrek egoera okerragoan jartzen ditu krisi berri bati aurre egiteko orduan, batez ere gazteak eta migratzaileak badira eta ikasketa gutxi badituzte. Halaber, zaintzaren ardura gehiena ere emakumeen gain dago kasu gehienetan.

Txostenaren arabera, gehienetan (% 57) amek laguntzen diete seme-alabei eskolako lanetan, eta horrek, etxeko lanen arduradun nagusiak izateaz gain (% 68), denbora falta dakar, estresa eta antsietatea aregotu dezakeena.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.
2.733 langabe gehiago EAEn eta 673 gutxiago Nafarroan ekainean
Nazioarteko Diru Funtsaren arabera, munduko aurreikuspen ekonomikoak txarrera egin du
"Prekarietatera daramatzaten" politikak aldatzea eskatu dute milaka pertsonak
Gizartea Bilbo Araba Bizkaia Gipuzkoa Espainia Euskal Autonomia Erkidegoa Lana Donostia Gaixotasunak Gasteiz Eguneko Titularrak Medikuak lan eskaintzak Sendagaiak Erizaintza Enpresaburuak Gobernuz Kanpoko Erakundeak Alarma-egoera Covid-19aren aldaera berriak Telelana

Albiste gehiago gizartea

18:00 - 20:00
ZUZENEAN
Duela  min.

27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta

Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik. 
Gehiago kargatu