Hildako bat eta 15 kutsatu berri covid-19agatik EAEn azken orduetan
15 kasu positibo berri antzeman dituzte PCR proben bidez azken 24 orduetan EAEn, eta beste 68 kasu test azkar edo serologikoen bidez. Ostiralean hildako bat izan zen, gainera; beraz, pandemia hasi zenetik 1.619 pertsona hil dira guztira.
Nekane Murga Osasun sailburuak larunbat honetan Bilbon emandako prentsaurrekoan jakinarazi duenez, 3.079 proba egin dituzte azken 24 orduetan (2.522 PCR eta 557 proba azkar). Analisien ondorioz, 15 positibo berri baieztatu dituzte PCR bidez, lau Araban (guztiak Gasteizen), bost Bizkaian (4 Bilbon eta 1 Getxon), eta sei Gipuzkoan (4 Orion, 1 Donostian eta 1 Ordizian).
Bestalde, 3 pertsonek jaso dute ospitaleko alta azken egunean eta gaur egun, 6 pertsona daude ZIUn.
RO indizea 1,09koa da une honetan.
EAEko Auzitegi Nagusiak Osakidetzak prebentzio araudia urratu izana ebaztzi ondoren, Murgaren iritzia
Osakidetzan norbera babesteko ekipamenduen eskasia salatzen zuen EAEko Justizia Auzitegi Nagusiaren epaiaren irakurketa "positiboa" egin du Murgak. Epai horren arabera, Euskal Osasun Zerbitzuak ez zuen bete COVID-19ren lan-arriskuen prebentzioari buruzko araudia osasun krisian, eta aurrerantzean "langileak babesteko neurri egokiak hartzeko" agindu dio.
Babes materialena "puntuala" izan dela aitortzen duela defendatu du Murgak eta "mundu mailako eskasia testuinguru batean" kokatu duela Auzitegiak: "Epaiak onartzen du une jakin batzuk egon ahal izan direla, pandemiaren unerik larrienean, martxoko azken bi asteetan eta apirileko lehenengoan, materiala urri egon dena (material puntualak, maskara mota batzuk eta bata mota batzuk)", adierazi du sailburuak, eta gaineratu du zehaztapen hori "mundu mailako eskasia testuinguru altu baten barruan" egiten dela. Aitzitik, "Mundu mailako defizit egoera hori konpontzeko, Osakidetzak kudeaketa ona egin zuela" esaten duela epaiak argudiatu du Murgak.
Kutsatu eta hildako berririk ez Nafarroan
Bestalde, pertsona bat ospitaleratu behar izan dute azken 24 orduotan Nafarroan COVID-19ren ondorioz, baina PCR proben bidez ez da kasu positibo berririk atzeman eta ez da hildakorik izan, Nafarroako Gobernuaren datuen arabera.
Test azkarretan (iraganeko infekzioa adieraz dezakete), baina, 9 positibo izan dira azken orduetan; beraz, pandemia hasi zenetik, 9.613 kasu izan dira guztira Nafarroan.
Koronabirusak 528 hildako utzi ditu Foru Erkidegoan oro har, baina 22 egun daramatzate COVID-19agatik heriotza gehiago erregistratu gabe.
Espainiako Osasun Ministerioak, bere aldetik, Estatu mailako eguneroko txostena eskaintzeari utzi dio asteburuan, eta, ondorioz, datu orokorrak datorren astelehenean eguneratuko dituzte.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.