2020 ND asteroidea: NASAk ez du alertarik igorri eta ez da Lurretik "gertu" igaroko
2020 ND asteroidea ostiralean, uztailaren 24an, Lurretik 5 milioi kilometrora baino gehiagora igaroko da, eta gaur mundu osoko hedabideetan irakurriko duzun titularra honako hau da: "Arriskutsua izan daitekeen asteroide bat Lurretik gertu igaroko dela ohartarazi du NASAk". Beste batzuek zuzenean "talka arriskutsu" bat eragin dezakeela adierazten dute, eta "Armaggedon" dela eta, Bruce Willisen argazki bat ere erabiltzen dute albistea osatzeko.
Baina, hainbesterako da? Egia esan, NASAk ez du inolako alertarik igorri asteroide horren inguruan. 2020 ND asteroidea AEBetako espazio agentziak katalogatutako "lurretik gertu igaro daitekeen beste objektu" bat baino ez da. Ez da datozen egunetan gure planetara "hurbilduko" den bakarra ere: datu base honetan ikus daiteke irailera arte hogei bat asteroide igarotzea aurreikusi dela.
Eta "gertu" igaroko denik ere ezin da esan, Lurretik 5 milioi kilometro baino gehiagora zeharkatuko du Eguzki Sistema. Eta gure planetaren eta Ilargiaren arteko batez besteko distantzia 384.000 kilometrokoa dela kontuan hartuta, asteroide honek Ilargiaren eta gure arteko distantzia hamabost aldiz igaroko du.
Esan daiteke, beraz, 2020 ND asteroidea "potentzialki arriskutsua" dela? Santiago Perez Hoyosek, EHUko Ingeniaritza Eskolako irakasle eta Planetaren Zientzietako Ikerketa Taldeko kideak, gako guztiak eman dizkigu Radio Euskadiko "la Mecánica del Caracol" saioan.
Azaldu duenez, "asteroidea Lurraren grabitate eremuak gorputz honen orbitari eragin diezaiokeen distantzian igaroko da, eta, beraz, ez da nagusiki Eguzkiaz gobernaturik egongo, beraz, Lurraren grabitateak ekarpen garrantzitsu bat egingo du". Objektu horrek, hortaz, "etorkizunean bere orbita eta ibilbidea moldatuta ikus ditzake".
Horregatik, asteroide hau "potentzialki arriskutsuak" direnen mailan katalogatua dago, "euren orbitek Lurraren orbita mozten dutelako, honela, etorkizunean, uneren batean, Eguzki Sistemaren toki berean egotea gerta liteke eta talka bat suertatzeko aukerak egon daitezke". Hori bai, "horrek ez du esan nahi aurreikusitako talka bat suertatuko denik, baizik eta etorkizunean gerta litekeela". Inolaz ere ostiral honetan.
Perez Royok adierazi duenez, arrisku potentzial horrengatik "oso garrantzitsua da Eguzki Sistematik igarotzen diren objektu guztiak monitorizatzea, katalogatzea eta zaintzea".
Gainera, 2020 ND asteroidea 1945etik dokumentatzen ari direla gaineratu du. Ordutik, Lurretik gertu hainbat urrats egin ditu, eta oraingoz bere orbita segurua da. "Eta etorkizunean ere hala izaten jarraituko du", lasaitu gaitu.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.