229 koronabirus kasu gehiago atzeman dituzte Hego Euskal Herrian

Azkeneko datuen arabera, Nafarroan 93 positibo izan dira, 86 Bizkaian, 35 Gipuzkoan eta 13 Araban.

Gasteiz jendea maskara koronabirusa — Herritarrak musukoa jantzita, Gasteizko kaleetan barrena. Argazkia: EFE

eitb.eus

2020/07/24 - 13:06

Azken eguneratzea

2020/07/24 - 21:03

EAEn, 136 positibo atzeman dituzte azken 24 orduetan PCR proben bidez. Kasu berrietako 86 Bizkaian atzeman dituzte, 35 Gipuzkoan eta 13 Araban. Horrez gain, EAEtik kanpo bizi diren bi pertsonak positibo eman dute azken orduetan.

Guztira, gaitza atzemateko 4.424 PCR egin zituzten atzo EAEn, Osasun Sailak ohar baten bidez jakitera eman duenez. Zehazki, ondorengo herri hauetan atzeman dituzte koronabirus kasuak:

Gipuzkoan: Aia (bat), Donostia (bost), Eibar (17), Elgoibar (bi), Errenteria (bat), Hernani (bat), Mendaro (bat), Orio (bat), Oñati (bat), Tolosa (bat) eta Zarautz (lau).

Bizkaian: Abanto Zierbena (bat), Zornotza (bi), Arrigorriaga (bat), Barakaldo (14), Basauri (hiru), Berango (bi), Bilbo (23), Derio (bat), Erandio (bi), Ermua (19), Etxebarri (bat), Galdakao (bi), Getxo (bi), Gueñes (bat), Iurreta (bat), Leioa (bat), Loiu (bat), Portugalete (bi), Santurtzi (bat), Sestao (lau), Trapagaran (bat) eta Zaldibar (bat).

Araban: Laudio (bat) eta Gasteiz (12).

Azken orduetan positibo eman duten pertsonen profilari dagokionez, 62 emakumeak dira eta 74 gizonak. Gainera, positibo eman duten gehienek 39 urte baino gutxiago dituzte; batez ere 20 eta 29 urte bitartean (27 kasu).

COVID-19a duten beste 23 pazientek 10 eta 19 urte bitartean dituzte, eta kutsatutako 22 euskal herritarrek 30 eta 39 urte bitartean. Azken orduetan atzemandako bederatzi kasutan, berriz, 0 eta 9 urte bitartean.

Osasun Sailak jakinarazi du, halaber, positibo eman duten 16 pertsonek 40 eta 49 urte bitartean dituztela, beste 23k 50-59 urte bitartean, 10ek 60-69 urte bitartean eta beste seik 70 urtetik gora.

1,49 da gaurko R0 indizea (atzo 1,59 zen).

Ospitaleetako egoerari dagokionez, egun hiru pertsona daude zainketa intentsiboetako unitateetan ospitaleratuta, Osasun Sailak eguneroko prentsaurrekoan emandako datuen arabera.

Beste 93 positibo Nafarroan

Nafarroan beste 93 pertsona gehiago kutsatu dira koronabirusarekin, Santos Indurain Osasun kontseilariak ostiral honetan jakinarazi duenez.

Kasu horietatik lau Mendillorri auzoko agerraldiari daude lotuta, eta beste hiruk Tuteran ospatutako ezkontzarekin dute zerikusia. Ildo horretan, kontseilariak gogoratu du Tuteran jaiak bertan behera geratu direla eta tabernei gauerdian ixteko gomendioa egin zaiela.

Horrez gain, uztailaren 6an Iruñean egindako gosari batean izandako agerraldiari lotuta beste positibo bat izan dela esan du, eta hirian beste foku berri bat atzeman dutela jakinarazi du.

Edonola ere, Nafarroako Gobernuak azpimarratu du ez dagoela transmisio komunitariorik. "Agerraldi batzuk konplexuak dira, baina kontrolpean daude. Kontrolak eta PCR probak transmisio komunitarioa ekiditeko asmoz egiten dira", azaldu du Indurainek.

Mendillorri auzoko gazteei PCR azterketak egiteko dispositibo berezia larunbatera arte egongo da martxan. Egunero, batez beste, 500 bat test ari dira egiten.

Bestalde, atzo beste bi pertsona eraman zituzten Nafarroako Ospitalera koronabirusak jota. Guztira, 30 paziente daude ingresatuta.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, berriz, "espazio publiko itxietan" derrigorrezkoa da.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea

Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.