Schengen eremutik Hego Euskal Herrira bidaiatzeko debekuak eta mugak

Schengen Hitzarmena sinatutako ia estatu gehienek Espainiara edo zenbait lurraldetara, tartean Hego Euskal Herrira, ez bidaiatzea gomendatzen dute. Batzuek, gainera, bertatik heldutako bidaiarien sarrera kontrolatzen dute.

Hona hemen Schengen espazioko edo Europako zenbait estatuk emandako gomendioak eta ezarritako mugak:

Alemania

Nafarroara, Aragoira eta Kataluniara ez bidaiatzea gomendatzen du, “arrisku eremuak” direlako, eta koarentena edo PCR proba baten emaitza negatiboa aurkeztea eskatzen du.

Austria

PCR proba baten emaitza negatiboa edo 10 eguneko koarentena eskatzen du Espainiarako, Kanariak eta Balearrak kenduta.

Belgika

Nafarroara, Aragoira, Bartzelonara eta Lleidara bidaiatzea, debekatuta.

EAE, Madril, Girona, Tarragona, Errioxa, Soria, Guadalajara, Castello, Valentzia, Murtzia, Almeria eta Balearretatik datozen bidaiariei proba bat eta koarentena egitea gomendatzen die.

Bulgaria

Ez dago mugarik Schengen estatuentzat.

Zipre

PCR proba baten emaitza negatiboa aurkeztera behartuta daude Espainia, Frantzia, Italia, Herbehereak, Erresuma Batua eta Greziatik datozen bidaiariak.

Kroazia

Txekiar Errepublika, Andorra, Danimarka, Norvegia, Polonia, Portugal, Estonia eta Maltara ez bidaiatzea gomendatzen du, eta Espainiara eta EBko beste estatuetara beharrezkoa bada ez joatea ere.

Danimarka

Espainia, Andorra, Luxenburgo, Errumania eta Bulgariara ez joatea gomendatzen du, eta bertatik datozenei sarrera debekatzen die, salbuespenekin.

Eslovakia

Espainia “arrisku txikiko” estatutzat hartzen du, baina Nafarroa, Aragoi eta Kataluniara doazenentzat gomendioak egiten ditu.

Eslovenia

Derrigorrezko berrogeialdia EAE, Nafarroa, Aragoi eta Kataluniatik datozen bidaiarientzat.

Estonia

Derrigorrezko berrogeialdia Espainia, Austria, Belgika, Frantzia, Malta, Monako eta Txekiar Errepublikatik.

Finlandia

Ez bidaiatzea gomendatzen du, eta Espainia, Frantzia, Austria, Eslovenia, Belgika, Herbehereak eta Andorratik itzultzen ari direnak koarentena egitera behartzen ditu.

Frantzia

Ez dago Frantziara sartzeko mugarik, “elkarrekikotasunagatik ez bada”. Hala ere, ez bidaiatzea eta PCR proba bat egitea gomendatzen du Katalunia eta Aragoitik itzultzean.

Irlanda

Koarentena derrigorrezkoa da, “zerrenda berde” batean dauden estatuetatik etorritakoak izan ezik. Espainia ez dago zerrenda horretan.

Letonia

Derrigorrezko koarentena, ez bidaiatzeko gomendioa eta Espainia, Luxenburgo, Errumania, Andorra, Bulgaria, Belgika, Suedia, Portugal eta Maltarekiko aire bidezko konexioak, bertan behera.

Luxenburgo

Ez dago mugarik.

Herbehereak

Beharrezkoak diren bidaiak baino ez egitea gomendatzen du, eta Bartzelona eta ingurutik, Sagriatik, Figueresetik eta Vilafrancetik itzultzean koarentena egitea derrigorrezkoa da. Espainiako gainontzeko lurraldean arreta eskatzen dute.

Polonia

Momentuz ez dago mugarik edo gomendiorik, baina aztertzen ari dira.

Portugal

Mugarik ez.

Erresuma Batua

Ez bidaiatzea gomendatzen du, eta herrialde gehienetatik datozenei koarentena ezartzen die.

Errumania

Ez dago mugarik Europar Batasunerako, soilik Luxenburgorako.

Suedia

Ez dago mugarik EBtik datozen bidaiarientzat.

Suitza

Luxenburgo, Errumania eta Espainiatik (Kanariak eta Balearrak kenduta) datozenek berrogeialdia egin behar dute.