Suitzara joan nahi duten Hegoaldeko herritarrek 10 eguneko koarentena bete behar dute
Suitzara joan nahi duten Hego Euskal Herriko herritarrek 10 eguneko koarentena bete beharko dute lurralde horretan sartzeko baimena eskuratzeko. Hain zuzen ere, ateazken honetan iragarritako neurriak Espainiako autonomia erkidego guztiei eragingo die, Kanariar Uharteetatik eta Balearretatik bidaiatzen duten herritarrei izan ezik.
Suitzako Osasun Publikoko Bulego Federalak jakitera eman duenez, azken 14 egunetan koronabirusa zabaltzeko "arrisku handiko" herrialde batean egon ondoren Suitzara sartu nahi duten herritar guztiek, adin txikikoak barne, 10 eguneko koarentena bete beharko dute, nahiz eta gaitza atzemateko PCR proban emaitza negatiboa izan.
Ildo horretatik, Suitzako agintariek Errumania, Singapur, Bahamak, Ekuatore Ginea, San Marino eta Santo Tome eta Principe ere sartu dituzte "zerrenda beltz" horretan. Guztira 46 lurralde agertzen dira zerrenda horretan, Ameriketako Estatu Batuak (AEB) eta Brasil barne, besteak beste. Suitzako Osasun Publikoko Bulego Federalak adierazi duenez, hurrengo eguneraketa abuztuaren 8an egingo dute.
Hala, Suitzak bat egin du lurraldera iristen diren bidaiariei koarentena ezarri duten beste herrialde batzuekin, hala nola Erresuma Batuarekin, Alemaniarekin eta Frantziarekin, eta Espainiara ez bidaiatzea gomendatu dute, edo, zuzenean, koarentena ezarri diete Estatutik joaten diren bidaiariei, COVID-19arekin lotutako agerraldi berriak direla eta.
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.